Kæru Bagglýtingar, hagyrtir eður ei.
Að kvöldi fyrsta dags marsmánuðar mun fara fram hagyrðingamót. Hvort sem ykkur líkar betur eða verr mun ég stjórna mótinu og er það von mín að sem flestir mæti. Yrkisefni verða eftirfarandi:
1. Kynning (óhefðbundin)
2. Snow Gathering (samkoman sem nú hefur verið aflýst.)
3. Nýafstaðin Þorrablót (og hugsanlega Góugleði)
4. Kvart og kvein. (er eitthvað angra ykkur þessa dagana?)
5. Leikir í uppáhaldi (spil, íþróttir o.s.frv.)
6. Að vanda verður síðasta yrkisefnið kynnt þegar þar að kemur.
Mótið hefst kl. 22:30
Góðar stundir.
Hvernig er það . Er hægt að vera með þó maður kunni ekkert í þessu ? Hvar get ég lesið um allar reglur um rím? eru bara stóru strákarnir boðnir?
GEH, þú hefur verið með áður, og verið velkominn (a.m.k. af mér), og verður velkominn áfram.
En www.heimskringla.is og www.rimur.is eru ágætir staðir fyrir þá sem vilja stúdera formfestu íslensku bragarháttanna.
ES: Ég hef nóterað hjá mér tímasetninguna, og mun að öllum líkindum mæta (í hákarlinn).
Ég er bara því miður alls ekki nógu hagorður til að eiga erindi. Því miður.
Ég skal reyna að muna eftir mótinu og vaka fram eftir til að geta tekið þátt. Ég hlakka þegar til.