Ég er í vondu skapi núna.
Ég er uppalin við það að maður á að bera virðingu fyrir foreldrunum og að maturinn sem er hafður á borð er sá eini sem er í boði. Maður á að segja til ef eitthvað er ekki eins og maður vill hafa það OG maður á að vera maður til að standa við sín orð. Ef þú villt kvarta yfir matnum skalt þú vera tilbúinn til að laga mat sjálfur í staðinn. Ef þig vantar hjálp við heimilishaldið berð þú ábyrgð á því að tala við fólk og segja til.
Þetta þekkist ekki í þessu húsi.
Ég eldaði mat í dag og reyndi að laga góðann og hollann mat. Ég passaði upp á að það var til nægilegt kjöt handa öllum og að það væri mikið af pasta og grænmeti til til að borða með. Það fyrsta sem nokkur sagði svo um matinn var. "Þú hefur tekið framm of lítið kjöt." Þetta pirraði mig mikið svo að ég sagði til um það að ef að þetta var vandamál þá getur viðkomandi bara andskotas til þess að elda matinn sjálfur. Þá kom næsta manneskjan inn í samtalið og sagði "Borðið bara." í þannig tón að mér leið eins og það væri verið að skamma mig fyrir að segja til. Það er nógu andskoti pirrandi að fólki finnst það vera bara alveg eðlilegt að ná í krydd sem ekki stendur á borðum og krydda matinn eftir að borið er á borð, jafnvel án þess að bragða á matnum.
Ég þarf að flytja og komast héðan og í mitt eigið heimili þar sem ég get sagt til að ég þoli ekki svona hegðun. Andskoti er það pirrandi að vera í þannig aðstöðu að maður getur ekki stjórnað neinu í eigin heimili.