— GESTAPÓ —
Í uppáhaldi:
Félagsrit:
hvurslags
Heiðursgestur og  skriffinnur.
Gagnrýni - 31/10/05
Gestapó!!

Hafið þið lesið nýjasta félagsritið eftir úlfamanninn? Þá álykta ég, gestapóar, að þið hafið einnig lesið álitin sem hún hefur fengið og ekki endilega tekið eftir neinu sérstöku við þau.

En þetta er einmitt ástæðan fyrir því að Gestapó er eitt það bjánalegasta og málæðislegasta spjallsvæði á netinu. Sumir notendur hér hafa fyrir því að birta almennileg félagsrit sem annað hvort eru greinar skrifaðar út frá þeirra eigin hjarta, smásögur eða ljóð sem þeir hafa gert(svipað og í mínu tilfelli) en nær öll þau ruslrit sem hér koma fram hafa gert það að verkum að öll vitsmunaleg umræða færist niður á lágt plan.
Þarna var komið félagsrit sem hefur að geyma fyrsta eiginleikann sem ég taldi upp, (þó ég sé ósammála ýmsu sem þar stendur), og allt sem hann fær er óþarfa skítkast eða yfirlætisleg álit sem eiga að vera sniðug. Þetta er ástæðan fyrir því að ég (ásamt mörgum fleirum) hef ekki nennu til að líta hér inn nema einstaka sinnum til að setja inn einstaka vísu eða kasta teningi.

Gestapó, ég er viss um að ritstjórnin á Baggalúti grætur þau örlög sem spjallsvæði þeirra hefur fengið. Ef þið ætlið að kommenta á þetta félagsrit, sleppið því. Ég einfaldlega nenni ekki að lesa þetta bull.

   (40 af 51)  
31/10/05 23:01

Offari

Fyrirgefðu ég bara las ekki umrætt félagsrit, fjölbreytnin hér í félagsritum finnst mér vera mikil og ekki þar með sagt að mér líki þau öll. Þegar ég set inn smá skot eða kommeta félagsrit er ég að láta vita að ég hafi lesið ritið, ég forðast að vera með dóma því ég veit að smekkur manna er misjafn og það sem mér finnst skemmtileg finnst öðrum leiðinlegt.

31/10/05 23:01

Jarmi

Þetta er alveg rétt hjá þér. Greyið er laminn niður í hvert skipti sem hann reynir að taka þátt! Hann hefur jú kannski gerst sekur um einhver brot, en þau virðast hafa verið framin í sjálfsvörn og er alveg eðlilegt að fólk grípi til lúalegra bragða þegar heill her af fólki ræðst að því. Enginn má við margnum.

Mér finnst alveg klikkað að sjá geðveikina sem býr í mörgum hérna. Og allir virðast hafa rétt til að vera bilaðir í hausnum hérna, sumir hafa bara meiri rétt en aðrir. Og allir meiri rétt en Úlfamaðurinn greyið.

31/10/05 23:01

Þarfagreinir

Veistu, ég er sammála málshefjanda. Það er algjör óþarfi að koma svona fram við nokkurn mann, alveg sama hvert álit manns er á honum. Betra er þá að segja ekkert en að koma með slíkar athugasemdir. Að því sögðu þá lái ég fólki ekkert sérstaklega að bregðast svona við, að gefinni allri forsögu málsins.

31/10/05 23:01

DoktorGestapó

Úlfamaðurinn er ágætur. Gerir sitt bezta. Það er ekki hægt að fara fram á meira. Þarfagreinir hins vegar lítur á sjálfan sig sem einhverskonar sjálfskipaðann gæðaeftirlitsmann hérna. Enginn beðið hann um þetta vanþakkláta hlutverk.

31/10/05 23:01

Þarfagreinir

Nei, það hefur enginn beðið mig um þetta, en enginn beðið mig um að hætta heldur. Um leið og ég er beðinn um slíkt þá mun ég hætta og láta mig hverfa héðan. Þú ert hins vegar aukasjálf einhvers sem þorir ekki að skrifa undir sínu betur þekkta nafni, og þykir mér slíkt mjög svo til vansa. Þú mátt kalla það hluta af gæðaeftirlitinu að ég skuli segja þetta; mér er sama.

Ef þú hefur eitthvað við mig að segja þá skaltu senda mér póst um það, og þá helst undir nafni sem ég þekki - ekki koma með skot af þessu tagi í félagsriti.

Takk fyrir.

31/10/05 23:01

Þarfagreinir

P.S. Hér meina ég ekki að mér sé illa við aukasjálf sem slík, en aukasjálf líkt og DoktorGestapó, sem eru stofnuð í þeim tilgangi einum að reyna að stofna til leiðinda, eru ömurlegt fyrirbæri.

31/10/05 23:01

B. Ewing

Ég tek undir með Þarfagreini. Því miður hefur það gerst hér að umræddur hefur nú þegar, að minnsta kosti í tvígang, eytt öllum sínum félagsritum og geta þar með Gestapóar eins og Hvurslags ekki kynnst forsögunni.

Þar að auki hefur viðkomandi oftar en ekki farið með svívirðingar í garð annarra Gestapóa, algerlega að ósekju og að eigin frumkvæði. Gestapóar bregðast við með auglósum pirringi unz viðkomadi sér að sér og þurrkar út færsluna. Nú nýega birti hann að auki raunheimanaf ákveðins Gestapóa sem hingað til hefur verið óskráð en ALGER regla að gera ekki.

Þess ber að geta að hefði viðkomandi ekki þurrkað út ritin sín annars lagið hefði hann hugsanlega verið nálægt því að teljast Sagnaþulur. Einnig hefur viðkomandi "kvatt" okkur margoft (sjö sinnum minnir mig nú þegar) með svívirðingum og hótunum en komið aftur og af engu síðri skrifkrafti en fyrr og þá yfirleitt innan sólarhrings.

Það væri afskaplega gaman að hafa viðkomandi ef hann gæti farið eftir þeim reglum sem hér eru og virt annað fólk og sjálfan sig í leiðinni. Hinsvegar hefur viðkomandi opnað nýja og nýja þræði um sömu og/eða sambærileg umræðuefni. Það fyllir spjallborðin af einhæfum umræðum og ómöulegt er fyrir aðra að hafa gott yfirlit yfir hvað er lesið og hvað ekki. Þrátt fyrir ítrekuð vinsamleg tilmæli um að láta af þessu hefur viðkomandi ekki látið sér segjast nema að takmörkuu leyti.

Allt þetta kemur saman í þann almenna pirring sem ríkir um Úlfamaninn og er það miður.

Úlfamaðurinn er góður penni en þarf að læra gagnkvæma viðringu. Ef hann veitir ekki öðrum á þessu svæði virðingu þá fær hann enga viðringu í staðinn. Slíka virðingu á ekki bara að veita innan netheima heldur utan þeirra líka.

Mitt mál er orðið langt og flókið en vonandi skilur Hvurslags aðeins betur hvers vegna rit hans fá svona dræmar viðtökur, að því gefnu að hann hafi nennt að lesa langlokuna mína.

31/10/05 23:01

Skabbi skrumari

hvurslags: Margir hérna hafa sammælst um að hætta að lesa innlegg og félagsrit Úlfamannsins og ræða við hann, vegna svívirðilegra árása á persónur og annað hér á Gestapó sem hann hefur haft fram að færa... ég mun hvorki lesa né leggja orð í belg yfir því sem hann skrifar og er það meðvituð ákvörðun til að reyna að hreinsa Gestapó...
...hvernig stendur á því að það koma menn hingað inn sem hafa lítið sem ekkert haft til málana að leggja í sirka þrjú ár og fara að gagnrýna gagnrýni annarra og skíta á okkur hér á Gestapó... hvurslags, þetta er ekki illa meint þar sem ég hef alltaf gaman af þér þá sjaldan þú kemur hingað...

DoktorGestapó: Það er svo greinilegt að þú ert Úlfamaðurinn að það þýðir ekkert að reyna að blekkja okkur...

31/10/05 23:01

Gimlé

Látið ógert að svara eða fjalla um það sem ykkur líkar miður. Andsvörin eru óþokkanna fóður.

31/10/05 23:01

Goggurinn

Hvar er þín fornaldarfrægð...

31/10/05 23:01

Jóakim Aðalönd

Skappa?! Hver er það?

Það er kannske ekkert skrýtið að hvurslax bregðist við með þessum hætti, því hann greinilega þekkir ekki forsöguna. Ég er sammála því að viðbrögð eru stundum harkaleg hérna gagnvart nýliðum, en stundum veitir ekki af.

Schgloing!

31/10/05 23:01

Sundlaugur Vatne

Ég hef ákveðið að taka ekki þátt í þessari umræðu en vil taka fram að ég er ekki DoktorGestapó þó hann/hún skrifi zetu. Ég get alveg skammast sem ég sjálfur ef svo ber undir.

31/10/05 23:01

Grágrítið

Jamm. það er víst rétt sem skáldið sagði hér forðum daga. Silence is golden.

31/10/05 23:01

krumpa

HÆGÐIR!
Hér átti ég vitaskuld við Skabba og eru hlutaðeigandi beðnir afsökunar. Þeð er greinilega ekki að gera sig, svona stafsetningarlega séð, að liggja á maganum í sófanum með vélina í fanginu.
Kærar þakkir frændi!

31/10/05 23:01

krumpa

Sammála Þarfa, Ewing, Skabba og Hvurslags, sem þó þekkir greinilega ekki forsöguna. Set þó mikið spurningamerki við þá staðhæfingu B að Úlli sé góður penni, það er væntanlega álit hans eins. Mér finnast persónulega málsgreinar sem telja mörg hundruð orð og enda úti á túní ekki bera vott um góðan stíl. Hvað um það, þrátt fyrir allt held ég að Úlli fái bara það sem hann á skilið...
Held líka að Úlli sé ekki doktor G - ég skil þaðs em doktorinn er að segja. Hvar er annars aðaldoktorinn okkar?

31/10/05 23:01

Jóakim Aðalönd

Já, allir gera svosem ásláttarvillur, en að hafa tvö pé í stað tveggja béa, er svolítið...

Nei nei, bara ríða þér...

31/10/05 23:01

Offari

Þetta kemur oft fyrir mig. þannig að þetta kemur greinilega fyrir pesta fólk.

31/10/05 23:01

Offari

ég meinti besta fólk.

31/10/05 23:01

Skabbi skrumari

Ég hlýt að vera lesblindur, tók ekki eftir þessu... ég fyrirgef þér Krumpa mín...

31/10/05 23:01

krumpa

Kærar þakkir fyrir það. Annars kemur það oft fyrir að ég pikka p og meina b og öfugt - en þetta gerist ekki með aðra stafi - þannig að lyklaborðið hlýtur að vera vitlaust hannað... Kabb er pest með forsjá!

31/10/05 23:01

Finngálkn

Ég mæli með Gruppeknelle! - Það lagar allt segir amma!

31/10/05 23:01

Þarfagreinir

Eða þá bara GRUPPEKNUS.

31/10/05 23:01

Tigra

[Knúsar hópinn]

31/10/05 23:02

blóðugt

Góður punktur hjá Gimlé:
Látið ógert að svara eða fjalla um það sem ykkur líkar miður. Andsvörin eru óþokkanna fóður.

Ég legg til að fólk hætti með öllu að nefna þennan úlfamann á nafn. Við erum enn að ræða um hann og hvað hann sé hræðilegur og að beri að hundsa hann og erum þar af leiðandi að menga andrúmsloftið með neikvæðri orku. Þannig að...

...úlfa-hvað?

31/10/05 23:02

Jóakim Aðalönd

Jóla-hvað?

1/11/05 00:00

B. Ewing

[Knúsast í allar áttir]

hvurslags:
  • Fæðing hér: 21/8/03 19:36
  • Síðast á ferli: 11/6/23 18:21
  • Innlegg: 7684
Eðli:
Fræðasvið:
Ég er nú sosum ágætur að bakka með kerru.
Æviágrip:
Það rættist bærilega úr okfrumunni.