Váleg tíðindi berast nú frá ameríku norður hvar við mörlendingar höfum af góðmennsku reynt að fá þykkskinnunga bandaríkjanna til að bæta heilsufar sitt með ummálsminnkandi hágæðatrosi hvers kyns. Hæst ber þar fjallalambið fríða og fiskinn fína.
Nú nýverið komu að vestan fréttir um að bannað væri að merkja hið alheimsbjargandi þorskalýsi sem fuglaflensuvörn.
Nú vita allir meðalgreindir menn að lýsi kemur í veg fyrir alla
sjúkdóma, andlega og líkamlega. Einnig læknar lýsið þá sjúkdóma sem blossa upp ef hlé er gert á neyslunni, svo sem
eyðni, sárasótt, malaríu og asperger-heilkenni.
Hvernig má vera að þessar mjólkurþambandi nautgripaætur
leggi hina bragðgóðu allrameinabót í einelti? Ekki höfum við bannað að auglýsa ameríska bíla sem ráð við krómskorti.
Gæti þessi skortur á vitsmunum stafað af kóbaltskorti eða eru óvinir ríkisins að grafa undan heill þjóðarinnar?
(3 af 4)
Svo ekki sé minst á upprisuna, hún ku vera mest hér á landi ætli lýsið komi ekki eitthvað nálægt því? Ísland best í heimi. Takk.
Lýsið er allra meina bót... sérstaklega ÚltraKóbaltsÁkavítisblandað lýsi... [fær sér gúlsopa] ...Skál
Augljóslega samsæri lyfjafyrirtækjana.
Tækju allir lýsisblönduna hér að ofan færu þau á hausinn.
Eflaust eru óvinir ríkisins hjer að verki með því að lauma kóbaltlausu lýsi í sendingar til Bandaríkjanna til að sverta ímynd baggalútískra lýsisútflytjenda. Það er alkunna að kóbaltlaust lýsi læknar eigi fuglaflensu.
Hm. já sennilega eru hafnfirðingarnir í actavis á bak við þetta níð. Megi þeir verða slegnir kaunum og kýlapest, sem síðan má laga með svalandi löngum teyg af lýsi.
- Fæðing hér: 18/11/05 12:15
- Síðast á ferli: 15/12/23 20:44
- Innlegg: 0
væri vont og erlendis frá enn verra. Vitkaðist þó með árunum
og gekk mammoni á hönd.
Síðan þá hefur það verið einn dagur í einu.