— GESTAPÓ —
Félagsrit:
Lærði-Geöff
Nýgræðingur.
Dagbók - 31/10/04
Hvað bragðast best?

Svífur upp í sjö himna
situr oft og hugsar
þá bofs vill ekki Búdda vinna
en bændur eins og uxar

Hlógu dátt og hross átu
hófu gálga að reisa
og Kristi lögðu krossgátu
sem kunni ekki að leysa

Hindúarnir hvítt á svart
halda að þeim sé rétt
að þurfalinga þræla hart
því þeir séu lægri stétt

Byggja nýja betri borg
með baráttu- mikinn anda
grafa saman gamla sorg
gyðingar allra landa

Islam veit ég engin skil
annað en ég man
sem sanntrúaður svelta vil
á sjálfri Rhamadan

Hvort á helgu landi búi
eð´í helvíti fái pínu
öllu sem og engu trúi
innst í hjarta mínu

Lærði-Geöff

   (18 af 21)  
31/10/04 07:00

Sæmi Fróði

Fróðleg ádeila á trúarbrögðin, takk.

Lærði-Geöff:
  • Fæðing hér: 23/9/05 11:23
  • Síðast á ferli: 29/4/06 15:55
  • Innlegg: 0
Fræðasvið:
Fann í vasanum spjald sem var mjög torlesið sökum mikils aldurs. Já eða það hafi farið gegnum þvottinn, en allavega einu 3 orðin sem ég náði að rýna í voru; ..fræðigrein, Prófessor við.., og svo ..natelwuhn..?? Hef ég tvo síðastliðna tungldaga velt um minn háls hver uppruni minn er.
Æviágrip:
Hefur ekki munað uppruna sinn frá því fyrir tveimur tungldögum síðan. Þá var Lærði-Geöff í þann mund að klófesta nótendarsýni úr lifandi steingerving. Vinnur nú hörðum höndum við að aðlaga hann íslenzkum þjóðfélagsaðstæðum. Við það verkefni er Geöff eða Hr. G (eða verðugi-L) á fullum styrk frá hinu svokallaða ríki (R.í.K.I. = Rannsóknarstofnun íslenzkra kjarnorkuvera innanlands). Dvelur hann á ystu nöf lífsskilyrða í þeirri mynd sem við þekkjum í dag. Myndir úr stjörnukíkjum benda eindregið til þess að þarna fari maður sem stundar pálbúskap og nýtir gjarnan umframafurðirnar til þess að gera sér glaðan dag.