Við íslendingar tölum gjarnan um veðrið þegar við vitum ekki hvað við eigum að segja en getum ekki þagað.
Hvað er þetta með veðrið? Af hverju hefur það svona mikið áhrif á mig. Núna sit ég inni á hlýrri skrifstofu en get ekki haldið mér að vinnu, því veðrið er ömurlegt. Veður dagsins getur þó varla talist með verstu veðrum og fengi sjálfsagt ekki hátt skor á vetrarlægða mælikvarða. Samt nagar það mig að veðrið sé vont og ég kvíði því óskaplega að skjótast milli húsa til að komast heim. Kökkurinn í hálsinum stækkar og stækkar þegar nær dregur heimferð. Skynsemin segir mér að þetta sé bara bull og þvæla, snjórinn nái varla upp á rist hvað þá meir. Vindhraðinn sé ekki meiri en í hárþurkunni hjá hárgreiðslumeistaranum hér á horninu.
Ég er engu nær og spyr enn. Hvað er þetta með veðrið?
Veðrið stjórnast í fyrsta lagi af sólinni, snúningi jarðar um sólu, möndulhalla og snúning jarðar um eigin ás.
Veðrið hefur lítil áhrif á mig, það er bara þarna.
Maður verður nú bara að sætta sig við þetta ef maður ætlar að búa á þessu skeri hérna.
Muna bara að klæða sig vel.
Ég verð þó að viðurkenna að frostaveturinn mikli hafði áhrif á mig, hendurnar frusu fastar við vininn, gulir kögglar komu út úr honum og klingdi í þegar þeir lentu í jörðinni og gigtin tók sig upp.
Eins og allir vita þá endurtekur sagan sig alltaf og ef veturinn byrjar svona núna þá ætla ég ekki að spyrja um leikslokin.
Hehe, það er bezt að flýja veturinn og fara til suðurálfu! Mwahahahaha! Kveðja, Jóakim í 10° hita.