Gjarnan meðal gáfumanna
gildir það að eðlið kanna,
þjálfa hugann, þrepasanna,
þotur, bíla og tölvur hanna
En ekkert skáldið auma veit
aldrei heiminn rétt það leit

Okkar mun það víst að vinna,
viti týna og aldrei finna,
(í kolli ekki af mykju minna
en milli okkar neðri kinna)
það er eins og út úr kú
okkar litla heilabú

En sagði einn sem mikið meira
markvert veit, að til er fleira
en sjónvarpskassasápuveira,
sitja og láta heilann dreyra
- ég ljáði eyra -
en sama hversu vildi og vil,
vonlaust, bara ekkert skil