Hrikalegt að lenda í svona Kargur minn, vona að þessi skilaboð, nái til þín í tæka tíð. Hef fregnað af óeirðahópum sem kallar sig „akavajkkerh". Einmitt á þessu svæði og víðar um hin byggðu ból.
.
Eins og eftir fyrirfram stilltri klukku, virðast þeir allir hafa látið til skara skríða á sama tíma út um allt.
.
Vertu nú vel á verði Kargur minn og Riddarinn vonar svo sannanlega að þú komist í gegnum þetta heill á huga og höndum. Við sendum okkar hlýjustu hugsanir til þín.

Þinn vinur
Heiðglyrnir nniH Hugdjarfi.

Það er frekar auðvelt að láta þetta gengi hverfa en það getur tekið tíma, þú mátt búat við að eyða heilli kvöldstund í að hrekja þennan ófögnuð á braut.
-
Þar sem þú ert útlenkur þá áttu rétt á að vera álitinn furðulegur og í besta fallt stórskrýtinn. Hér er það sem þú þarft að gera.
-
Birgðu þig upp af steinselju, plómum, gulrótum og þannig háttar, gakktu keikur til dyra og legðu hátt við róm (gott væri að breyta röddinni jafnvel í eitthvað ómennskt ef þú gætir). Þegar þessir grímuklæddir ólátaseggir hafa beiðið um grikk eða gott þá segir þú einfaldlega að þú sért úr Latabæ og borðir bara Latabæjar nammi.
-
Fussi þau við því þá skalitu eiga í handraðanum nokkuð magn af alíslenskum hráum gulrófum og bjóða þeim öllum.
-
Hver viðbrögðin vera og hvort þau verði harkaleg skal ósagt látið, hef ekki verið í aðstöðu til að kanna það til hlýtar.

Og undarlegt hvað eitthvað er hljómar svolítið svipað og 'vín' heyrist oft þessa dagana, reyndar alltaf í kjölfarið á einhverju öðru. Líklega er þetta bara tilefni til að skála... Skál ! [Sýpur á fagurbláum drykk]

Það er illt að heyra hvernig ástandið er orðið þarna í höfuðborginni, Kargur sæll. Ef þú nærð nú að seilast ofan í beltið á þessum smáglæponum gætir þú kannski vippað þeim loft og skellt í jörð með vænum mjaðmahnykk.
Við þekkjum ekki svona óaldalýð né venjur þeirra hér á Ýsufirði en ég skal með ánægju leggja leið mína til Reykjavíkur og hjálpa þér að hrekja af þér ófögnuðinn ef þú færð ekki við hann ráðið.

Íslenskt góðgæti eins og sviðahausar og hákarl geta komið sér afar vel við þessar aðstæður.

Ég þakka gott boð Vatnar minn, en ég er sem betur fer órafjarri Reykjavík. Ef þú vilt koma og hjálpa mér að stugga litlu skæruliðunum af hlaðinu hjá mér, þá bý ég í uppsveitum Bandaríkjahrepps. Velkominn hvunær sem er.

Ekki mun ég skorast undan slíku kostaboði, kæri Kargur. Vonandi er heitt á könnunni hjá þér, sjálfur skal ég koma með vínarbrauð sem við getur gætt okkur á meðan við bíðum eftir að smákrimmarnir gera vart við sig.

Hér er ævinlega heitt á könnunni. Og ég luma á pela af Íslensku brennivíni svo við brennum okkur ekki á kaffinu.