Var að horfa á sjónvarpið. Furða mig á því hve mikið af raunveruleikaþáttum eru komnir í sjónvarpið. Komið vel yfir tvo tugina að minnsta kosti.

Þetta byrjaði ansi sakleysislega þegar Survivor byrjaði. Héldu kanarnir ekki vatni yfir þessum þáttum. Síðan var þessu sjónvarpað hér á landi og allt varð vitlaust sem og í öðrum evrópuþjóðum.
Sáu þá múgur og margmenni þá tækifæri að búa til fleiri raunveruleikaþætti. Eftir Survivor kom The Bachelor. Síðan kom Extreme Makeover o.s.frv. Núna eru komnir þættir sem ganga út á það að finna einhverja prinsessu og einnig þættir sem eiga að finna einhvern kokkanema fyrir besta kokk í heimi eða eitthvað álíka kjaftæði.

Er þetta ekki komið nóg? Hve langt munu Bandaríkjamenn ganga í þessari vitfirringu. Ætli þeir endi ekki eins og Japanarnir. Láta þá sem eru í þáttunum gera einhvern skandalann í von um að það muni auka áhorf á þættina.

Auðvitað eru ekki allir þættirnir ömurlegir. Vor ritara fannst t.d. The Biggest Loser skemmtilegt áhorfs. Alltaf gaman að sjá feitt fólk brjálast á hlaupabrettinu á heilum 4 km hraða, ég skal svo segja það. Einnig hefur vor ritara fundist The Contender ágætis þættir. Eina vandamálið við þá er þetta eilífa væl í boxurum. Þeir eru ekkert nema teprar fyrir utan hringinn. Þykjast vera einhverjir harðjaxlar, en eru allt í einu svo brothættir að það má ei koma við þá.

Núna eru íslenskir raunveruleikaþættir í vinnslu. Hef ég séð í sjónvarpinu að það sé verið að gera þátt að nafni " Ástarfleyið ". Ég meina... hvað er í gangi? Hve lágt getum við farið. Alltaf þegar Bandaríkjamenn gera eitthvað, þá fáum við þörf á að gera það sama, hvort sem það er gott eða slæmt.

Þetta er farið að ganga út í öfgar. Hvet fólk að sleppa því að horfa á þennan Ástarfleyis þátt... eða bara raunveruleikaþætti yfir höfuð.