Á bisnessmeeting mætti að kveldi
að mæla fyrir boltaveldi
Tók upp veskið, vildi sanna
að værum meðal heldri manna
(smá kampavín á kortið setti
og kavíar að etiquette'i)
Brátt þó lauk þar bisnessþætti
því bústin kerla' á sviðið mætti
sem skók sig og að hætti hippa
hispurslaus þar tók að strippa
Bað mér vægðar, vildi ei horfa
en við mér blasti svissnesk torfa!
Miklu sagan varð þó verri:
er vék mér undan (sannur herri)
því þar var einnig krimmaklíka
- sem kortið tók að strípa líka
á meðan andlit fölt ég faldi
og friðlaus upp að hundrað taldi
---
Er ályktunin einföld sonur:
alltaf skaltu forðast konur
Já, ég skal passa mig á þeim þegar tólið virkar ekki lengur. Takk fyrir afbragðsskemmtun.
Vjer erum reyndar ef eitthvað er líklega helst til duglegir við að forðast konur og getum að því leyti trúlega tekið heilræðið til vor. Þetta er hinsvegar stórskemmtilegur kveðskapur - skál !