Kæri jólasveinn.

Takk æðislega mikið fyrir að gefa mér það sem ég óskaði mér mest í öllum heiminum. Ef ég vinn líka næst þá lofa ég að standa við minn hluta af samningnum - fleiri og breiðari reykháfa á húsin og hreinni skó í gluggana. Þá skal ég reyna að sannfæra hann Sigga um að þú hafir ekkert verið að kyssa mömmu hans.

Ég vona að þú verðir ekki reiður yfir að ég skyldi hafa sagt að þú værir örugglega ekkert til þarna á laugardagskvöldið. En þá hafði ég drukkið allavega tvö glös af freyðivíni og einn pilsner.

Þú ert bestastur í heimi!

Þinn, Dagur.

P.s. Fyrirgefðu að ég skyldi toga í skeggið þitt á jólaballinu, ég var bara viss um að þetta væri Stebbi í grímubúning. Hann er alltaf að gera grín að því að ég skuli trúa á þig.