[Hún heitir sko „Ristabrauðsvél" heima hjá Riddaranum] Góð gagnrýni kæra Ísdrottning. Ekki gefast upp á okkur og skammaðu okkur miskunarlaust..!..
.
.
Ísdrottning um íslenskt mál
ískalt sendir tóninn
kyngimögnuð kóbalt skál
komin er frá hennar sál
.
.
Riddaraskál fyrir
Ísdrottningunni.

Vá, kærar þakkir fyrir flotta vísu. [Ljómar eins og sól í heiði á fallegum frostavetri] Takk fyrir mig.

Víst er ristavél alíslenskt orð. Alþekkt yfir vélar þær er búa til ristar líkar þeim sem notaðar séu á göturæsum borgarinnar.
Annars fannst mig þetta hið allra besta félagsrit, enda sé hægt að læra mikið á því.

Ljótt er ef satt er. Er Íslenskukunnátta ungdómsins virkilega svona slæm? Annars er þetta varla séríslenskt fyrirbrigði. Hér í Bandaríkjashreppi eru börn og unglingar varla mælandi. Þó ég sé ekki langskólagenginn virðist ég vera betri í stafsetningu og málfræði enskrar tungu en innfæddir.

Þörf áminning. Ég tek undir með Riddaranum, góð gagnrýni og ekki gefast upp á okkur og skammaðu okkur miskunarlaust.

Þágufallssýki er alveg agalega slæm og útbreidd. Það er samt tvennt sem mér finnst vera ömurlegt málfarsrugl... Annarsvegar orðið maísbaunir... maís er korn, ekki baun. Maískorn er því það eina rétta. Svo opnar maður ekki hurðir, maður opnar DYR... Góðar stundir

Sérstaklega vel til fundið félaxrit. Innihald þess á svo sannarlega rétt á sér þegar litið er á málfæri hins almenna borgara í samfélaginu þessa dagana. Verð ég þó að játa að ég er vafalítið orðinn temmilega smitaður af dönskum áhrifum, hvað viðkemur daglegu málfari og er það miður. En ég reyni mitt besta og varla er hægt að biðja um meira.

En já... ritið er gott og fær það fullt hús stiga í mínum bókum.

-

offari er síbrotamaður hér og skammast sín tekur því þó vel c bent á villur hans á vingjarnlegan hátt

Nermal - það er víst hægt að opna hurðir, t.d. ef það er gluggi eða kattalúga á þeim.

Allt fyrir aurinn ,,Hverjum vantar pening?"

Verra en þágufallssýkin hér er hin ranga beyging orðsins EYRIR.

Eins notar Ísdrottining orðið ÞVÍLÍKUR í fyrirsögn ranglega. Þarna átti að slanda HVÍLÍKT hneyksli.

Þegar klaki táknar teljanleg stykki er orðið vissulega til í fleirtölu. Ekkert að því.

Amma mín blessuð yrði þeirri stundu fegnust þegar kvalafullar dauðarefsingar yrðu teknar upp til að refsa þeim sem tala ekki nógu fínt mál.
Ekki að ég sé að líkja nokkrum manni hér við ömmu mína, það er af og frá!
Sennilega er það til komið vegna hennar þetta ofnæmi mitt fyrir umvöndunum um íslenskt mál.

Gleymdi að bæta við: annars fínn pistill.

Yo, Icy baby. Óxla kúl fjelaxrit...
Ég er þér hjartanlega sammála í einu og öllu. Ég vil við þetta bæta að þeir aðilar hjá ríkisfjölmiðlunum sem tala hvað verst mál að staðaldri eru oftar en ekki íþróttafréttamenn. Þeir reyna að gera mjög einhæfa pistla að einhverju málskrúði sem fer Kristni R. Ólafssyni í Madrid vel... en íþróttafréttamennirnir enda alltaf á því að vera með pistla sem enginn skilur og mikil hitalykt myndast á íþróttadeildinni þegar verið er að semja þá. Satt er það að þáttarstjórnendur þar á bæ séu líka farnir að láta undan síga og vil ég í því skyni nefna Gest Einar á rás 2, hann virðist tileinka sér málfar unga fólksins í bland við eigið unglingamál þannig að hann hljómar eins og hann hafi festst í tímavél {ætli Vlad viti af þessu?] og ambögurnar fljúga nánast í hverri setningu. Einu tilvikin sem við getum verið örugg um að fallegt íslenskt mál sé á borð borið eru þættir á borð við Kvöldgesti með Jónasi Jónassyni, miðdegissagan, orð dagsins og passíusálmarnir þegar þeir eru á dagskrá.

Hafðu þökk fyrir frábæran pistil Ísdrottning. Róm var ekki byggð á einum degi hvað þá á hverjum degi þannig að það er nauðsynlegt að beita okkur hin verulegu og reglulegu aðhaldi í málfarinu.

Það sé geggt kúl og óxla mega!

Þessi pistill er til fyrirmyndar.

Frábær pistill og athugasemdir hlégests ekki af verri endanum.

Ég vil bæta við að það er sannarlega hneyksli að fullorðinn karlmaður skuli ekki vera með bindi. Slíkt er skýr vísbending um lausung og ræfilshátt.

Þetta er góður og þarfur pistill.
Ég hef grun um að íslenskukennarar grunnskólanna hafi sjálfir það takmarkað vald á málinu að þeir geti varla kennt nemendum sínum íslensku svo vel fari.

Það ætti að gera þennan pistil að skyldunámsefni bæði til handa kennurum sem og nemendum!

Orð í tíma töluð Ísdrottning.

Þörf orð og löngu tímabær. Bíddu aðeins meðan ég næ mér í húfu svo ég geti tekið ofan fyrir þér.
[Flýtir sér að ná í höfuðfat og tekur svo ofan fyrir Ísdrottningunni]

Góður pistill hjá þér Ísdrottning. Ekki veitir af að benda á ambögur og málvillur, sem vaða uppi í fjölmiðlum. Þetta minnir mig á að um daginn heyrði ég dagskrárgerðarmann á Rás 2 rekja feril hljómsveitar einnar, sem ég man ekki nafnið á lengur en í einni setningunni sagði hann: „Þeir áttu velgengni að fagna fyrstu árin, en síðan fór að halla undir flatt hjá þeim.“
Þetta var ekki í fyrsta sinn sem ég heyri útvarpsmenn fara vitlaust með orðtök og málshætti. Þarna var auðvitað átt við að það hefði farið að halla undan fæti hjá téðri hljómsveit.

Amma mín sem vann sem adstodarkennari í 30 ár, heyrdi kennarann segja, um leid og hann hélt á verkefnisbladi: ,,Hverjum vantar svona?". Hneyksli!

Ég vil þakka fyrir góðar viðtökur á gagnrýni minni. Ég er greinilega ekki ein um að vilja heyra vandað mál. Takk elskurnar mínar [ljómar upp]

Já endilega leiðréttu okkur, ég vil bara þakka þér aftur fyrir að leiðrétta félagsritið mitt um daginn.

Prýðilegt, þörf umræða.

Takk PoppTíVí!