Baggalútur

— GESTAPÓ —

Félagsrit:

Heiðglyrnir

Fastagestur og sagnaþulur.

Dagbók - 9/12/04

Segir af orðum í orðum..!..

Segið mér að það sé tilviljun að orða er kölluð orða og ég skal gefa ykkur "orðu" í eyra. Samsæri orðanna "Segir af orðum í orðum" er styrkt af Samsæriskenningar ehf.

Mismikið er á manninn lagt og mismikið er á hans færi að skilja. Ótrúlegt en satt, að við sambandsslit og skilnað er talað um"að skilja". En þetta "að skilja" á það e-ð sameiginlegt með skilning. Nei, það er öðru nær, aðskilnaður var það heillin. (Á borði og sæng, hjá hrygnu og hæng.)

Á meðan orðið ástfanginn inniheldur orðið "fangi" og "anginn" (hann er fangi anginn). Að gefa orðið "efa". Hvernig er hægt annað en að fyllast grunsemdum..?..

Þetta er mótsagnakennt, í besta falli ruglandi. Er hugsanlegt að tvískinnungur tungumálsins og orðin sem búa í orðunum, geti haft áhrif á líf okkar og hverning við lifum því. Er hugsanlegt að stóra samsæriskenningin sé hér með fundin. Það séu orðin í orðunum, sem undir yfirborðinu stjórni þessu öllu.

Er t.d. einhver samba falin í sambandsslitum eða ást í Þjást. Hvað hugsar t.d. tombólukynslóðin um þennan "auða" í dauða. Er það kannski stóri cosmíski tombólu brandarinn, að við sitjum öll uppi með auða miða eftir dauðann. (Eða er kannski einn númer.42).

Þegar orð eru rannsökuð betur og orðin sem búa í þeim, uppvís að samsæri sínu. Koma magnaðir hlutir upp á yfirborðið, (sáuð þið t.d. þetta, þarna var orðið "orð-ið" falið í yfirborðið) Eftir þennan formála er "lófi" í glófi t.d. bara orðin eðlilegasti hlutur í heimi, rós sem er gefin í hrósi. Erjur um verjur og þau "ærin undur" sem falin eru í "lærin sundur". Að ógleymdu því ljóði sem býr í hverju fljóði. Allt bara fellur þetta eins og flís við rass.
.
Niðurstaða: Samsærið hefur verið uppgötvað, hvert orð býr yfir margföldum og margræðum töframætti.
.
.
Stimplum okkur út í bundnu máli.
Hnoðað saman í afdráttarhætti.
.
.
.
(L)öngum (b)rími (l)okkar (f)ljóða
(l)ærin (s)undur
.
.
Eða svona
.
.
Löngum brími lokkar fljóða
lærin sundur
öngum rími okkar ljóða
ærin undur
.
.
.
Töfra Stundir..!..

(85 af 120)

9/12/04 05:01

Gísli Eiríkur og Helgi

Fínt hjá þér

9/12/04 05:01

B. Ewing

Magnað og frábært.

9/12/04 05:01

albin

(G)eggjaður (B)ragur.

9/12/04 05:01

Heiðglyrnir

Þakka ykkur herrar mínir, þið eruð heiðursmenn..!..
.
Langaði að koma þessu á framfæri.
.
Afdráttarháttur

Svo vitnað sé í Sveinbjörn Beinteinsson

Afdráttur eða afdráttarháttur er sennilega erfiðasta rímþraut sem hægt er að hugsa sér. Afdráttur er aðeins til undir ferkvæðum háttum, það er háttum með fjórar ljóðlínur. Afdráttur er þannig gerður, að ortur er fyrri partur og seinni parturinn er síðan myndaður með því að fjarlægja fyrsta bókstaf hvers bragliðar

9/12/04 05:01

Heiðglyrnir

Verjur hlöðum vopnum krómi
Völ fléttir heftir
erjur löðum opnum rómi
öl léttir eftir.
.
Jájá og seisei hmmm, bara að prófa.

9/12/04 05:01

Prins Arutha

Stórmerkilegt!

9/12/04 05:01

krumpa

Magnaðir hugrenningar! Fegin að einhver nennir að velta svona hlutum fyrir sér.. (dett reyndar stundum í svona greiningar sjálf en hef reynt að hætta eftir að ég tók eftir því að það fór illa með ánægjuna af lestrinum að greina bara orðin en ekki lesa samhengið...)

9/12/04 05:01

Heiðglyrnir

Krumpa mín, þegar maður jú! eins og flestir þokkalega viti bornir karlmenn. Þarf helst að gera, eða vera með 8 til 10 hluti í gangi á sama tíma. Svona til að virkja þægilega afkastagetu heila og skynfæra. þá kemur þetta bara sjálfkrafa með og verður hluti af stóra samhenginu.

9/12/04 05:01

Fuglinn

Augu mín hafa opnast!!

9/12/04 06:00

dordingull

Riddurum er margt til lista lagt.
Það er snjöll hugsun á bakvið þessa grein, og því er hún hreint frábær.

9/12/04 06:00

Heiðglyrnir

Þakka þér dordingull minn. Athugasemdur þínar, sem og þeirra sem hér hafa látið orð falla. Bera vott um góðan smekk og fordómaleysi, gagnvart óhefðbundinni hugsun og framsetningu. Hafið þökk fyrir það.

9/12/04 06:00

Sundlaugur Vatne

Kæri riddari, það vita allir að þér er margt til lista lagt. Samt verð ég að segja að sundkennarinn féll varð orða vant er hann sá hvílíkri orðsnilli og hagmælzku riddarinn ræður yfir.

9/12/04 06:01

Heiðglyrnir

Kæri Sundlaugur minn Vatne, það er nú aldeilis ekki, komið að tómum kofunum hjá þér, þegar orð og orðameðhöndlun er annars vegar. Hafðu þökk fyrir þessi vinsamlegu orð.

9/12/04 07:00

Sjöleitið

Mjög athyglisvert, svert, vert, ert.

9/12/04 07:01

Nafni

Þetta er mögnuð pæling og margslungin. Takk Heiðglyrnir.

Heiðglyrnir:

Fæðing hér: 19/11/04 19:46
Síðast á ferli: 1/12/23 10:38
Innlegg: 451

Eðli:

Riddaramennska er lífsstíll.

Fræðasvið:

Hugmyndaflug-maður og ímyndunarafl-raunamaður. Náttúrunnar glímutök, svo og glasalyftingar. cult, (minnihluta sérhópa áhugamál) og s ART&ECONOMY

Æviágrip:

Riddarinn sem er fyrsti og eini riddari Baggalútíu, var sleginn til riddara og gefið nýtt nafn af konungi vorum. Ber frá þeim degi nafnbótina og nafnið SIR. Heiðglyrnir Hinn Hugdjarfi. Þar af leiðandi, eftir öllum reglum í hinum þekkta heimi er hann aðalsmaður (þó ekki grænn). Riddarinn hefur ekki farið varhluta af flökkueðli riddara, hefur farið sínar eigin krossferðir, búið meira og minna um allt Ísland og víða erlendis t.d. Bretlandi, Brasilíu, Eistlandi og farið víða um lönd og strönd.