Ég er næstum því sammála öllu því sem þú segir, sérstaklega um Ívar.
Þessi kaffifíkn íslendinga er merkileg og maður er litinn hornauga þegar maður afþakkar bolla af baunasúpu með mjólk. Alltaf gaman að Íslendingum.

Þið hjónin eruð á glapstigum, hann sem kaffifíkill og þú meðvirk ruglinu í afneitun... hættið meðan þið getið og snúið ykkur að ÁKAVÍTI af því leggur ljúfan angan og sætasti svefn sé nóg drukkið... Skál!!!

Já ég held ég hendi bara öllu kaffinu út og setji ákavíti í staðinn. Ívar getur þambað það á meðan ég drekk kók. Og allir verða sáttir...

Ást okkar og samúð er öll þín megin í þessu máli fröken Hexia de Trix, Riddarinn á það til að drekka kaffi þannig að út um eyrun flæði, en drekkur ekki kaffi heima, aldrei.! Þó er hellt upp á kaffi fyrir gesti sem birtast og eru í kaffinauð. Þetta er góð regla og kemur í veg fyrir ánetjun.

Sammála þessu flestu sýnist mér, annað hefur ekki reynt á að svo stöddu..

Að vera boðið uppá kaffi er landlæg plága, sá sem býður kaffi einfaldlega verður að hafa fleiri valkosti en þessar brenndu baunir. Sýrópsblandan kóka-kóla eða nærri hvaða kóla sem er þarf LÍKA að vera í boði, ÞETTA ER BARA ÓSANNGJARNT! Allir sem koma inní sjoppu eða í heimsókn eða í boð eða á fund eða í ferð þá er alltaf boðið KAFFI ekkert kók, bara kaffi!
"Þú getur líka fengið þér vatn að drekka..." er algeng afsökun... "eða mjólk.." (sem er þá búin að standa í borði í 2 daga hið minnsta)

Það vantar svona pakkakók. Eins og pakkasúpur eru.

Þú tekur glas af vatni, hellir duftinu útí, hrærir, setur kolsýrutöfluna útí, bíður í 30 sekúndur og þá er kókið tilbúið!!
Takk fyrir.

Jahérna hér, ekki grunaði mig að ég ætti nokkur þjáningarsystkin, hvað þá svona mörg!
Annars má við þetta bæta að ég hef í kjötheimastarfi mínu þurft að sækja ýmsa fundi og námskeið undanfarið. Mér til mikillar ánægju hefur einn námskeiðshaldara ávallt boðið upp á almennilegt kók samhliða kaffisullinu. Megi aðrir taka sér þetta til fyrirmyndar!

Megi aðrir taka sér vatnsveitendur til fyrirmyndar. Ekki eru allir jafn háðir brasilískum baunasafa og Hexía og hennar viðhengi. Vatn á diskinn minn.

Sjá félaxrit mitt hér ofan...

HEY! Mér finnst kaffi gott og ég er kaffikeri eins og einhver sagði! Ég er kræsinn á hvernig kaffi ég læt oní mig! Espresso, Capuccino, Latte. Þannig vil ég hafa mitt kaffi. Svo ég geri nú grein fyrir því hvers vegna ég þarf kaffi svona snemma morguns á þriggja vikna fresti þá kemur það til af því að ég er atvinnubílstjóri og þarf að vakna fyrir allar aldir eina af hverjum þremur vikum.
<img src="http://www.mikkivefur.is/hallur/uniform.jpg>
Til þess að ég haldist vakandi frá 05.00 til 13.00 þá er nauðsynlegt að fá eitthvað í kroppinn sem heldur manni vakandi. Annars mynduð þið lesa um örlög mín í blöðunum!

En af hverju ég geri mér svona kaffi? Jú, það er sterkt og ég tek með mér einn svona hitaþolinn bolla með mér í vinnuna. Ef kaffið væri bara svona uppáhellingur eins og langflest heimili bjóða upp á þá þyrfti ég að hafa með mér stóran brúsa! Kaffið sem boðið er upp á á mínum vinnustað lítur út eins og Irish Coffee eftir að búið er að setja Whiskeyið út í... en það er ekket Whiskey í því! Eins er með uppeldiskaffi Hexiu, hjá foreldrum hennar -Lexiu og Motor de Trix. Ég hins vegar er alinn upp við kaffi sem jafnast á við góða smurolíu. Hjá foreldrum mínum, Gömlu og Gamla Sívertsen hefur alltaf verið vonlaust að sjá í gegnum kaffið og þannig vil ég hafa það.

Hvað kaffiilminn varðar þá get ég svo sem fallist á það að það kemur ekkert sérstök lykt þegar kaffið sullast óvart á heita plötuna en í þetta eina sinn sem Hexia hefur orðið fyrir þessu -að því er hún vill halda fram- áfalli þá hafði gleymst að opna gluggann á svefnherberginu.

Þetta er mín morgunfíkn. Ég fæ mér kaffi. Sumir reykja og aðrir fá sér Gingseng. Ég fæ mér kaffi. Og fariði nú að gera eitthvað uppbyggilegra! t.d. að lesa önnur fjelaxrit!