Sýnisdæmi um hvernig ein hugmynd getur fætt af sér nokkrar ólíkar vísur.
Svona á að yrkja
einmitt hér.
Vísnamál að virkja
veitist þér.
Svona á að yrkja ljóð,
einsog gengur;
sameinist nú sérhvert fljóð
& sérhver drengur.
Svona á að yrkja, já,
eiginlega bara.
Menn & konur mega hvá,
mér er skylt að svara.
Svona á að yrkja, vinur,
endalaust má bæta við.
Vertu ekki við það linur,
veldu bezta rímorðið.
Svona á að yrkja, vinur kæri.
Möguleikar margfaldir,
& milljón tækifæri.
Svona á að yrkja brag, sem allir skilja.
Stönduga skal stuðla velja,
stafir höfuðs nær þeim dvelja.
Svona á að yrkja kvæði,
einföld gerast þessi fræði;
haganlega hugarflæði
hendist nið´r á þetta blað.
Það er nefnilega það.
Elsku besti .Heldur þú að þú sért almáttugur Guðmundur Að yrkja ljóð er enginn vísindi né tækni þAð yrkja ljóð er blóð
Láttu nú Snati minn bara hinar kindurnar fylgja þér. Auðvitað má maður bara væla á áhveðinn hátt með líka lángar línur og hljóð
á milli
.Einasta helvitis aðferðinn að mála listaverk er að gera það
á fyrirfram ákveðinn hátt og með jafn stóra hringi Allir sem ekki geta gert jafnstóra hringi eru kjánar. List er að á fyrirfram ákveðin hátt gera strik sem eru líka löng
Þetta líkar mér að heyra, kæri vin.
Auðvitað eru þetta svosem engin geimvísindi, & ekkert er algilt í þessum efnum. Hugmyndir má dubba upp í óteljandi búninga, & ofanskráð rit er á engan hátt tæmandi listi yfir leiðir til þess arna – né heldur heldur yfirlýsing ellegar manifestó um hvað gera skuli & hvað ekki.
Flott að vanda.
Svona á að yrkja, til þín
æskuvinur kæri.
Veistu að lánið í LÍN,
læðist undir skæri?
Svona á að yrkja
og ölflöskurnar kyrkja
Steratröllin styrkja
og Steingrímsheiði virkja
Klassi!!! Og láti einginn sér detta í huga að setja út á:
Svona á að yrkja, vinur kæri.
Möguleikar margfaldir,
& milljón tækifæri.
Þarna er önnur línan rímlaus og á að vera það. Þetta er vikhenda af bestu gerð. Flott allt saman, þótt innihaldið veiti mér að vísu enga sýn inn í Eilifðina.
Svona skal yrkja og sýna
sannleikan fram bara tína
ekkert sést plat
og alls ekkert frat
meitluð og mergjuð hver lína.
Svo skyldu ýtar
yrkja tíðum
brag inn besta
á Baggalúti
af natni mætri
er Natan sýnir;
Sónar jöfur
Jónatanz.
Á þennan veg
og þeygi aðra
yrkja buðlungs börvar skulu.
Mun þá
og múgur
stuðlanna stoðir reisa.