Eftir að hafa lagst í ítarlega rannsóknarvinnu þá hafa þessar sláandi niðurstöður nú loksins komið fram. Þeim ber að fagna eins og öllum öðrum merkilegum uppgvötunum. Tilnefningar til Nóbelsverðlauna eru vel þegnar.
*-* Þvottavélin fer um íbúðina og étur upp óhreina þvottinn, þvær hann og skyrpir honum að lokum á þvottasnúruna.
*-* Uppþvottabursti er flókið áhald. Þeytari er áhald sem fyrir löngu á að vera orðið mótorknúið. Hamar er hinsvegar einfalt áhald og borvélar eru auðveldar í notkun, sérstaklega höggborvélar.
*-* Ísskápar þurfa að vera í hverju rými og allir þurfa þeir að innihalda hressandi drykki.
*-* Sjónvörp eru einnig nauðsynleg á sömu stöðum og ísskáparnir.
*-* Bílskúrar eru fyrir bíla og menn. Þess vegna væri réttara að kalla þá ,,Bílmannaskúra”.
*-* Heimabíó er mekka.
*-* Uppvask er fjármálahugtak yfir hækkandi vöruverð.
*-* Það er ekkert hægt að elda nema eldur sé til staðar, eins og við grillið. Þá fyrst er áhugavert að ,,elda” (lesist grilla).
*-* Til að fá athygli ber að sækjast eftir henni utan meistaradeildarinnar, bikarkeppninnar, landsleikja, kappaksturíþróttamóta, úrvalsdeildarleikja og annarra stórviðburða á sviði íþrótta.
*-* Takkar eru af hinu góða, því fleiri takkar þeim mun betra tæki.
*-* Orðin ,,Við þurfum að tala saman” kallar fram ótta innan í hvaða manni sem er óháð því um hvað á að tala. Þessi sjö orð eru því af hinu illa.
*-* Það er hægt að fara í stríð en ekki í vax.
*-* Ef bálkösturinn okkar brennur ekki fullkomlega til ösku þá tökum við því sem tapi.
*-* Spariföt eru spari vegna þess að þau eru óþægileg og passa ekki.
*-* Þar sem fjórir menn koma saman er talað um íþróttir
*-* Þar sem fjórar konur koma saman er talað um menn.
*-* Föt sem pössuðu áður en virka núna full þröng hafa hlaupið.
*-* Í gráa fiðringnum á að hitta skvísur og keyra um á mótorhjólum.
*-* Betri helmingurinn á alltaf við um kökur.
"Þar sem fjórar konur koma saman er talað um menn"..... er það staðreynd sem bara karlar vita? Þetta átti kannski að vera staðreyndir sem karlar einir vita og ein getgáta?
Það er getgáta sem við karlar höfum heyrt í hvívetna í félagsskap hjá grillinu.
Það er ekki flókið að skýra þessa staðreynd sem krossgata nefnir. Ef karlmaður labbar t.d. framhjá kvennahópnum þá kemst hann varla hjá því að heyra umræðuefnið, sem er um menn. [Labbar um í hringi og sperrir eyrun]
Já en þá eru ekki BARA karlar sem vita það að við getum ekki hætt að tala um ykkur.
Hinsvegar eru "Við þurfum að tala saman" fimm orð en ekki 7, seinast þegar ég taldi.
*-* Til að fá athygli ber að sækjast eftir henni utan meistaradeildarinnar, bikarkeppninnar, landsleikja og úrvalsdeildarleikja.
Hér þarf að bæta við Formúlu 1 í þennan lista.
En já, eins og ég stal svo heiðarlega einhverstaðar, en fannst svo sniðugt:
WHAT A WOMAN SAYS:
Cmon...This place is a mess!
You and I need to clean.
Your pants are on the floor
and you'll have no clothes
if we don't do laundry now!
WHAT A MAN HEARS:
C'MON....blah, blah, blah
YOU AND I blah, blah, blah
blah, blah ON THE FLOOR
blah, blah, blah, NO CLOTHES
blah, blah, blah, blah, NOW!
Auk þess mætti eftirfarandi vera:
*-* Ef karlmaður situr við sjónvarpið og virðist skemmta sér vel yfir því sem þar er að gerast þá skal líta á það sem helgistund og forðast ber að trufla karlmanninn á þeim tímapunkti.
Hér er eitt sem bara karlmenn vita:
"Já, þú ert feit í þessum buxum" er ekki sagt af illsku heldur til að samþykkja það sem gyðjurnar virðast svo heitt þrá að heyra. (Nóg kaupa þær af buxum sem svo virðast láta þær líta út fyrir að vera feitar.)
Hvar fæ ég svona þvottavél. Og ég á helling af buxum sem láta mig líta út fyrir að vera enn meira sexý en ég raunverulega er
"Þeytari er áhald sem fyrir löngu á að vera orðið mótorknúið"
Hefurðu aldrei séð rafmagnsþeytara? [Klórar sér í höfðinu]
Eitt enn:
Þessi spariföt eru fín sama og ekkert notuð þótt þau séu tíu ára.
Önnur staðreynd sem bara karlmenn virðast gera sér grein fyrir:
Bjór inniheldur ÖLL næringarefni sem nokkur lífvera gæti nokkurntíman þurft á að halda. Bjór getur því leyst af hólmi alla fæðuflokkana 5 (eða hvað þeir eru margir).
Sammála Blástakki. Síðan hvenær felst karlmennska í leti, ofáti, heimsku og tillitsleysi?