Baggalútur

— GESTAPÓ —

Í uppáhaldi:

Ásar vinna

Mafía 2 - LEIK LOKIÐ

Pisltingur

Sögustund: 4. kapítuli- Sögulok

Á Enter alltaf síðastaorðið?

Prumpa grænmetisæturmeira en venjulegtfólk?

Opin samkeppni umlofkvæði um hana ömmumína

Baggalútsskorturinn ísumar...

Félagsrit:

B. Ewing

Heiðursgestur.

Gagnrýni - 9/12/05

Bjólfskviða

Loksins lenti kvikmyndin Bjólfskviða á landinu eftir áralanga för milli kvikmyndahátíða um allan heim. Ekki er gott að segja til um hvort myndin hafi elst vel á þessum 2 árum. Ljóðabálkurinn lifði í 1000 ár eða svo en mín trú er að þessi mynd gleymist á um það bil 10 árum.<br />

Eftir að hafa farið á þessa dýrustu mynd íslandssögunnar fór ég að hugsa í hvað peningunum var varið. Að minnsta kosti var myndin langt frá því að líta út eins og hún kostaði milljarð króna. Hvergi sáust merki um þrotlausa vinnu hundruða manna í fjöldamargar vikur nema einna helst á sjálfum tökustaðnum. Það fólk hefur hinsvegar greinilega unnið sína vinnu af miklum vanefnum (framleiðanda að því er virðist) og það sannfært um að eftirvinnsla myndarinnar myndi bæta úr lélegri lýsingu og öðru.
Hvergi sást skot sem var fjömennara en 10 manns. Leikmyndir sem hafa verið byggðar eingöngu úr rekaviði, segldúk og sprekum kosta ekki milljarð. Búningarnir voru í stíl við þema myndarinar, óræðnir, óljósir og allt unnið á „öruggan“ hátt. Danir, Gautar og Keltar hafa klárlega haft einungis einn fataskáp því engin ummerki sáust um mismunandi stíl þessara fornu manna.
Hvað eftirvinnsluna varðar þá virtist sem klipparinn hafi annaðhvort verið blindfullur eða sofandi (jafnvel hvoru tveggja) því allar klippingar fyrstu 20 mínúturnar voru stórfurðulegar. Það má halda tryggð við bók en að geta ekki slitið sig undan því að nánast birta blaðsíðutalið á fjörurra mínútna fresti þykir mér ekki vera mikið bíó.

Ingvar var að mínu mati kjánalegasta tröll sem ég hef augum litið, enda er maðurinn lægri í loftinu en ég sjálfur svo ekki að undra það ‹Glottir eins og fífl›.
Flestir aðrir virtust hafa litla hugmynd um sína persónu, þá hvaða stöðu hún hefur í þjóðfélaginu, hvaða lífsreynsla liggur að baki og knýr hana áfram í þessarri ferð. Ábúendur hjá Hróðgeiri konungi voru eins og verstu rónar. Eina manneskjan sem sýndi reisn var galdrakerlingin Selma. Flestir leikendur virtust útkeyrðir af vinnu sem kom fram í myndinni á þann hátt að menn voru að því er virtist tandurhreinir og nýsnyrtir eina stunda og grútskítugir aðra. Fyrir áhugamen um glappaskot er vert að benda á hálsmen Hróðgeirs, lítill Þórshamar í leðuról, sem birtist og hverfur ítrekað.

Fyrir viðleitni til að færa ljóðabálk á hvíta tjalið fær myndin tvær stjörnur. Tek hana kannski upp á VHS þegar hún verður páskahátíðarmynd Ríkissjónvarpsins árið 2008. Þá verð ég nefnilega búinn að gleyma því að ég hafi séð hana áður.

(16 af 36)

9/12/05 07:01

Heiðglyrnir

B.Ewing okkar maður á tökustað (þó ekki þessum). Frábær gagnrýni, fæ svo bara lánaða hjá þér VHS spóluna minn kæri.

9/12/05 07:02

Haraldur Austmann

Ég hef ekki séð þessa mynd en ég veit hún er slæm af því hún er íslensk.

9/12/05 08:00

Upprifinn

ekki eru allar íslenskar myndir rusl kæri vinur. mundu eftir STELLU í ORLOFI.

9/12/05 08:00

Gvendur Skrítni

Nýtt líf, Með allt á hreinu, Sódóma, Englar Alheimsins eru allt saman fínustu myndir, hver á sinn hátt.
Og svo er Blossi, það má ekki gleyma Blossa, við meigum ALDREI gleyma BLOSSA! [Bindur hnút á gleraugun sín í bræðiskasti]

9/12/05 08:01

Jóakim Aðalönd

810551 var fín mynd og fyndin. Nýtt líf og Dalalíf voru líka æði og hinar tvær voru ágætar á sinn hátt líka.

9/12/05 08:02

Úlfamaðurinn

Hver í bjölluhausnum er þessi Grendill? Mig hefur alltaf langað til að vita hver Grendill er!!

9/12/05 09:01

Úlfamaðurinn

Já, en ég sé engann Grendil á myndinni. Hver ER Grendill?

9/12/05 09:02

Hakuchi

Hef einmitt hikað við að fara á þessa mynd af ótta við 'íslensku einkenninn' á henni. Horfi frekar á Bjólfskviðu Christophers Lambert í staðinn mér skilst þó að þar sé móðir Grendils ljóshærð kona með stór sílíkonbrjóst. Ekki amaleg skrýmslamóðir það.

9/12/05 11:01

Úlfamaðurinn

En það segir mér samt ekkert hver Grendill er eða var.

B. Ewing:

Fæðing hér: 11/10/04 18:08
Síðast á ferli: 3/10/11 18:11
Innlegg: 3473

Eðli:

Heimilisfang: Southfork Ranch, Braddock Road, Texas Sögulegir viðburðir í lífi mínu: 16. maí 1986 : Reis upp frá dauðum. Geri aðrir betur.

Aðrir merkisviðburðir á þessum degi hin ýmsu ár komast ekki í hálfkvisti við mig!

1994 : Tennisstjarnan Jennifer Capriati (hver er það) er handtekin fyrir að hafa maríjúana í fórum sínum.

1990 : Juventus vinnur 19.UEFA bikarkeppnina í Avellino.

1988 : Hæstiréttur Bandaríkjanna úrskurðar að leita megi í rusli fólks án leitarheimildar.

1986 : Top Gun frumsýnd.1985 : Michael Jordan útnefndur nýliði ársins hjá NBA.

1984 : Juventus vinnur 24.Evrópubikarkeppnina í Basel.

1983 : Líbanska þingið samþykkir friðarsamning við Ísrael.

1977 : 5 manns dóu þegar þyrlu hvolfdi á Pan Am bygginguna í New York. (semsagt 11. september var bara um 24ra ára gömul hugmynd).

1975 : Japanska konan Junko Tabei verður fyrst kvenna til að klífa Mt.Everest.

1969 : Geimfarið Venera 5 lendir á Venus. Sendir okkur svo upplýsingar um loftslag plánetunnar. Frekari upplýsingar vel þegnar en hafa ekki borist.

Fræðasvið:

Konur, olía, sandur og suðurríkjahreimur.

Æviágrip:

Fjölskyldan mín:
Faðir: Jock Ewing (dáinn 1981)
Móðir: Ellie Ewing Farlow
Stjúpfaðir: Clayton Farlow

Bræður: JR, Gary
Hálfbróðir: Ray Krebbs

Synir: Christopher, Lucas Krebbs (ættleiddur).

Starfaði lengi fyrir bróður minn JR á búgarðinum.
Fyrst sem verkamaður hjá Ewing Oil (á áttunda áratugnum); verkstjóri (1978, 1980);
Forstjóri byggingasviðs Ewing (1978-1980);
Forstjóri Ewing Oil (1980, 1982-1987, 1988-1990, 1996-98);
Þingmaður Texasfylkis (1981);
Forstjóri Petro Group Dallas (1987-88);

Eignaðist líka Southfork Ranch búgarðinn 1991 og hef átt hann síðan.

Trúlofaðist æskuvinkonu minni, Jennu Wade tvisvar sinnum, fyrst 1970 en sama ár stakk hún af til Evrópu og skildi mig eftir í sárum. En þá hitti ég Pam Barnes.Við urðum strax afar ástfangin af hvort öðru og fluttum okkur til New Orleans árið 1978, en hjónabandið gat ekki enst vegna sívaxandi þrýstings frá Ewing Oil, eða öllu heldur afskiptum systkina minna af okkur. Þess vegna skildum við og ég tók saman við Jennu (aftur). Við glæddum ást okkar nýju lífi og ætluðum að standa við stóru orðin um að giftast, en Jennu var rænt á sjálfan brúðkaupsdaginn og ég komst sjálfur að því að ég var í raun ástfanginn af Pam.
Við Pam giftumst aftur árið 1986 en það sama ár flýði hún eftir hræðilegt bílslyss (eða hvað?).

Þrem árum síðar giftist ég í 3ja sinn og þá henni April Stevens en henni var rænt og hún myrt í brúðkaupsferðinni.