rúnk on

Við þetta má svo bæta bloggrúnkurunum sem Ísdrottningin fjalalr um hér að neðan. Menn sem eru svo andskoti klárir og merkilegir að þeir geta ekki einu sinni drullað yfir aðra á skiljanlegan hátt...

Halelúja, let us runk over it.

Mér finnst ú í runk ekki fallegt og gerir það meðal annars að verkum að ég get ekki lesið Dóra Lax. Ætli hann hafi samt nokkuð notað mikið orðið runk? En það er önnur Ella.

Þetta er annars ljómandi pistill og minnir mig á þá runkara sem hönnuðu nýja barnaspítalann. Þar mega ekki einu sinni vera þægileg húsgögn fyrir foreldra, sem dvelja langdvölum að sinna veikum börnum sínum. Út með lazy-boystólana, þeir passa ekki inní hönnunina og inn með ferköntuðu hörðu húsgögnin samkvæmt teikningunum. Það er aukaatriði hvort börnunum, ættingjunum eða starfsfólkinu líði sæmilega.

Alveg er ég sammála þér krumpa mín, sérstaklega með arkitektúrsrúnkarana. Það er t.d. grátlegt að horfa upp á nýjan grunnskóla þar sem arkitektinn ákvað að hafa snaga inni í skólastofu en ekki frammi á gangi. Virkar líklega ágætlega í hitabeltinu, en hérna á Íslandi eru börnin oftar en ekki í snjóblautum kuldagöllum, blautum og illalyktandi ullarsokkum og flíspeysum og treflum og húfum og vettlingum... auðvitað dettur hvorki börnum né kennurum í hug að hengja slíkan fatnað af 20 börnum inni í skólastofunni. Þar yrði ekki líft, hvað þá vinnuhæft. Þrautalendingin er semsagt sú að hlaða útifötunum á handriðin frammi á gangi, því ekki fæst leyfi (þrátt fyrir ítrekaðar tilraunir) að setja upp snaga eða fatahengi utan skólastofanna.

Er nema von maður gapi.

Mér leiðist Dóri Lax (rúnkari) en ég held hann hafi aldrei notað orðið rúnk enda er það eina orðið sem ég leyfi mér að skrifa án þess að virða ng- og nk-reglurnar.
Krossgata, þetta er einmitt málið! Hönnunarrúnkið blívur og skítt með það hvernig fólki líður!

Hexía, þetta er alveg ótrúlegt - og samt ekki. Örugglega mörg svona dæmi þar sem arkitektar neita að sættast á að þeir hafi gert mistök og í stað þess að bæta úr halda þeir fast í rúnkið.

Ég má svo til með að koma hér með tilvitnun í eitt ömurlegasta innlegg við blogg sem ég hef lengi séð. Bloggið var tengt umfjöllun Kastljóss um Breiðavíkurmálið. Innlegg gestsins er svona:
"Tek hatt minn ofan fyrir umfjöllun ykkar og viðtölum. Mikið þarfaþing að kóvera þetta hryllilega mál. Maður varð kjaftstopp. Ég varð þó á annan hátt kjaftstopp yfir síðasta viðmælanda ykkar. Sá maður virkaði undarlega á mann; furðulega leikrænn og sukópatískur; rétt eins og hann hefði sett sig í stellingar og léki allt saman eftir manúskripti fyrir amerískt dokúmentar. En hinir voru allir nota bené mjög trúverðugir."

Þetta er nú með ömurlegra runki sem gerist á almannafæri.

Jamm, þetta er sko eðalrúnk! Mikið af furðulegum orðum sem viðkomandi telur vafalaust lýsa greind sinni og rithæfni. Leiðinlegt samt hvað hann kann fá orð á íslensku...

Ég kynntist snemma arkitektúrsrúnki, eða þegar byggt var nýtt íþróttahús við grunnskólann sem ég gekk í. Þessi "ofursnjalli" arkitekt ákvað að best væri að hafa þakglugga fyrir ofan sturturnar, svo strákarnir gætu örugglega klifrað upp á það og kíkt á okkur stelpurnar í sturtu. Sérlega vel úthugsað.
Sami arkitekt hannaði svo aðra viðbyggingu við skólann þar sem hún ákvað að hafa upptekið loft en setja stalla á veggina. Þessir stallar þjóna svo engum tilgangi nema að safna ryki og drullu. Einnig hafði hún sameiginlega rými skólans þannig að það er vart nothæft í nokkurn skapaðan hlut því þar tók hún niður HELMINGINN af gólfinu. Óskiljanlegt.

Já, og hvað í fjandanum þýðir "sukópatískur" ? Er það orðið "psychopathic" sem hann "þýðir" svona... vel?

Nemendur í nýja náttúrufræðihúsinu Öskju eru einmitt rúnkfórnarlömb, í einum (ef ekki fleirum) fyrirlestrasalnum mátti ekki hafa áföst borð við stólana (svona bíóstóla) að því arkitektinum fannst það ekki passa inn í. Jájá, nemendur sleppa því þá bara að taka glósur, allt fyrir lúkkið...

Það er nú linnulaust gamann að lesa þennann pistil og kommentin við hann. En ég held að einir skelfilegustu hönnunarrunkararnir séu þeir sem hanna kirkjur landsins. Nýjar kirkjur eru upp til hópa forljót óskapnaðar steyputröll. Hvað skeði eftir að menn hönnuðu gæsilegar kirkjur eins og t.d Akureyrarkirkju? Þá fóru menn í runk eins og Blöndóskirkju... Breiðholtskirkju............

Margt til í þessu öllu saman. Ég hef einmitt velt fyrir mér gatinu í skólabyggingunni lengi vel og dáðst að fábjánaskapnum sem að baki liggur.

[Runkar sér um stund yfir þessari athugasemd]

[Ýtir á Senda]

Arkitktúr er listgrein. Listin hefuroft meiri tilhneigingu til að vera framúrstefnuleg en að notagildið sé í hávegum haft. Ég las þetta rit með allt öðru hugarfari ég hélt að þetta væri svona leiðarvísir um fjölbreytni fyrir sjálfkynhneigða en sjálfkynhneigð mín á það til að vera einhæf og tilbrytingarlaus.

Rúnkar sér í réttinum Rúnki, krúnkar Krumpa.

"Sukópatískur"? Þarna finnst mér einhvernveginn líklegra að rúnkarinn (já mér finnst líka eiga að vera ú) hafi meint "sykófantískur" eða undirlægjulegur, en "sækópatískur" eða siðblindur. Þó veit maður aldrei.

Eigum við nokkuð að ræða Öskju?
Þetta er ein verst hannaða skólabygging sem ég hef sest inn í.
Það voru engar innstungur í stofunni sem ég þurfti að sitja fyrirlestur í um daginn, svo við lentum næstum öll í að tölvurnar okkar urðu straumlausar í miðjum fyrirlestri.
Við vorum reyndar tvö sem vorum það fyrirhyggjusöm að stökkva út í hléinu og hlaða tölvurnar í 5 mínútur (þetta var 10 mínútna hlé, hinar 5 mínúturnar fóru í að FINNA innstungur!)

Var það ekki í Listasafni Íslands sem að sýningarsalur var hannaður með þakgluggum sem gerði hann ónothæfan lýsingarlega?
Arkitektinn neitaði að breyta.

Hafðu þakkir fyrir þennan prýðilega pistil. Miðað við umkvartanir um arkítektarúnk virðist meirihlutinn beinast að einum aðila, dr. Magga. Ég hata hans verk. Hann er hæfileikalaus æviráðinn spjátrungur sem hefur lagt metnað sinn í að gera líf Háskólanema eins óþægilegt og hægt er. Það sama á reyndar við um flesta byggingaraðila hér á landi. Fari þeir allir með tölu ofan í eldspúandi Heklu, þar sem þeir eiga heima.

Það sem er óþolandi er það sem Upprifinn benti á, þ.e. þegar litið virðist á byggingar sem listaverk en ekki hluti með notagildi. Þetta veldur því svo að bannað að breyta byggingunni komi í ljós að einhverju sje ábótavant.

Mikið er alltaf gaman að sjá brjóstin á þér gægjast fram á einkennismynd þinni kæra keisaraynja.

[Hleypur í felur]

Ég ætla ekki að bera mitt álit á arkitektarunki fram. Það er tilefni sérstakrar ritraðar í 1430 bindum og mun sú fyrsta koma út um næstu jól, ein bók í einu.