Varúð - ekki skemmtileg lesning - heldur bara hreinskilin dagbók um lífið eins og það er í dag. Ekkert fyndið og skemmtilegt - heldur bara leiðindi!
Ó - held að ég sé að deyja hægt og rólega. Fyrst sálin og svo líkaminn. Held þetta sé af því að ég hef ekki verið nóg hér inni.
Lífið sökkar feitt. Er búin að vera með kvef síðan í ágúst! Og flensur þess á milli. Er núna að farast úr hausverk og hálsbólgu. Nenni ekki neinu. Er alltaf þreytt. Heittelskaður sefur oftar en ekki í sófanum út af hóstanum í mér. Líður illa í bakinu. Steik og bömmer. Helvítis hausverkur. Er illt í bakinu. Og fótunum.
Á engan pening. Eyði honum öllum í te, hunang, alka-seltzer og hálsbrjóstsykur.
Nenni ekki skólanum. Á að vera að skrifa ritgerð og læra. Læra læra læra. Til hvers? Til að vinna. Vinna vinna vinna. Nenni því ekki. Langar mest til að læra bara hárgreiðslu og hlaða niður börnum. Baka bollur og svona. Líður illa því ég nenni ekki neinu, nenni samt ekki neinu. Langar bara að liggja í rúminu og hugsa. Og ekki hugsa neitt flókið. Langar í þriggja mánaða siglingu um Kyrrahafið. Hvar er það annars? Eða bara Atlantshafið. Eða bara eitthvað. Allt nema þetta. Nenni því ekki.
Nenni ekki vinum mínum. Nenni ekki partíum. Hata Idol.
Nenni þessu ekki. Góða nótt.
Leitt að heyra. Af hverju ekki bara að horfa á björtu hliðarnar samt? Ertu ekki sæmileg heilsu og svona? Engar meiriháttar fatlanir, er það nokkuð?
Ég skil þig vel. Ég ligg núna veikur heima og ætla að nota tækifærið og horfa á Simpson safnið mitt. Nenni því samt ekki.
Örvæntu ekki krumpa mín: Öll ég birtir upp um síðir.
Neinei, Kuggz - það er ekkert bara heldur við að hlaða niður börnum. Meinti það ekki þannig. Það er bara svoldið mikið frábrugðið því sem ég er að gera núna.
Júbbs víst er hérvistin erfið. Og enginn sér tilganginn með þessu öllu, það er klárt. Heimurinn ferst, fólk og dýr deyja, jafnvel blessuð blómin fölna og fella að lokum blöð. Dettum því duglega í það, drekkum frá oss vitið. Ákavíti er allra meina bót og fátt er betra til að hefja daginn á en sopi af íslensku brennivíni. Nema ef vera skyldi gúlsopi af íslensku brennivíni.
Prófaðu að taka inn sólhatt og sjáðu hvort kvefið láti ekki undan síga.
Skolaðu sólhattinum niður með gúlsopa af brennivíni og sjáðu hvort þér líður ekki betur.
Taktu þér orð skáldsins til fyrirmyndar:
"Finnst mér lífið fúlt og kalt,
fullt það af með lygi og róg.
En brennivínið bætir allt!
Bara það sé drukkið nóg."
Hættu þessari andskotans sjálfsvorkunnsemi, drattastu á lappir og skelltu þér í gufu.
Hmm - er alltaf í gufu - þangað til hjartað er við það að springa. Veit að það á að hjálpa - en samt...
Ég byrja daginn á að skola niður 2 Omega3 pillum og einni fjölvítamín með hálfum lítra af vatni, Eftir að ég var búinn að gera þetta í rúmlega 2 vikur var ég farinn að finna mun á mér og hvað mér varð úr verki. Svo er líka bráðsniðugt að skipuleggja sig fram í tímann, til þess nota ég svona vasadagbók/minnisbók. Með henni skipulegg ég hvenær ég ætla að hitta vini mína eða gera eitthvað skemmtilegt og þannig hef ég eitthvað til að hlakka til. Minnisbókin mín hefur líka hjálpað mér að láta verða meira úr dögunum. Ég verð samt að hafa hana með mér öllum stundum, annars virkar hún ekki nógu vel.