Baggalútur

— GESTAPÓ —

Í uppáhaldi:

Eldrefsviðbót

Okkar biðlisti

Ritstjórn ogkveðskapur

kötturinn knái

Á Enter alltaf síðastaorðið?

fyrripartur tilheiðurs Voffa ogBarbapabba

Baggalútsskorturinn ísumar...

Félagsrit:

Þarfagreinir

Friðargæsluliði.
Heiðursgestur og skriffinnur.

Sálmur - 2/12/05

Sonnetta að handan

Fyrsta sonnetta mín á íslensku - vonandi kemur hún bærilega út.

Í fjarska ég heyri klukkur klingja;
þær kalla mig á Dauðans stranga fund.
Þar mín bíður dvalar hinstu dyngja,
drjúga nokk mun þar hvíldin vara stund.

Niður ána dökku er ég drifinn,
og Dauðinn fast í árar heldur þar.
Innan tíðar þaðan verð þó þrifinn,
og þögult mun fá annað skugga-far.

Margt ég um hef þögn í hér að þenkja,
er þorsti lífsins hverfur mér úr sál.
Hvað mér hliðar verðir skyldu skenkja
skjálfandi er ég þeim mitt rétti mál?

Úr Dauðans ríki ber ég þér því boð:
Bölvun sá hlýtur er rangt velur goð.

(30 af 49)

2/12/05 15:01

Haraldur Austmann

Sérdeilis fínt.

2/12/05 15:01

Kveldúlfur

Nokkuð gott ljóð, þó varla sonnetta eða hvað?

2/12/05 15:01

Þarfagreinir

Kveldúlfur: Ensk sonnetta kallast þetta víst. Fjórtán línur, rím abab cdcd efef gg, eins og Villi Skakspír orti þær (reyndar er rímið hér AbAb CdCd EfEf gg, en það er líklega aukaatriði).

2/12/05 15:01

Kveldúlfur

Ókey, mín mistök kæri sveinn.

2/12/05 15:02

blóðugt

Skál Þarfi! Duglegur strákur.

2/12/05 15:02

Nornin

Ofsalega flott finnst mér. Mér líkar drungalegt [gothast upp]

2/12/05 15:02

Finngálkn

Þetta er ömurlegt! Go fuck yourself!

2/12/05 15:02

Anna Panna

Mér finnst þetta fallega dimmt. Og mjög áhugaverð pæling...

2/12/05 15:02

Furðuvera

Hrikalega töff.

2/12/05 16:00

Vladimir Fuckov

Afar fínt og lokalínan eiginlega við hæfi í ljósi yfirstandandi atburða...

2/12/05 16:00

Z. Natan Ó. Jónatanz

Já, hún kemur alveg rúmlega bærilega út.
Hafðu þökk fyrir þetta fína kvæði.
--------------
Virkilega vel af sér
vikið hérna þetta.
Bærilegur bragur er
byrjunarsonnetta.

2/12/05 16:00

Jóakim Aðalönd

Ljómandi gott hjá þér Þarfi og hafðu þökk fyrir þetta.

2/12/05 16:00

Skabbi skrumari

Þér er margt til lista lagt... flott er og Skál

2/12/05 16:01

Sæmi Fróði

[hlær glimrandi hrossahlátri] Frábær sonnetta og kankvís endir.

2/12/05 18:02

dordingull

Hef nær klórað gat á kúpuna yfir þessu. Skemmtileg orða notkun og vel samið, en einhvernveginn fæ ég þetta ekki til að renna. [Klórar sér í höfðinu] Hef heldur ekki hundsvit á sonnettum. [Glottir eins og fífl]

3/12/05 16:01

Isak Dinesen

Mjög gott. Þér fer greinilega vel úr hendi að skrifa á íslensku.

Þarfagreinir:

Fæðing hér: 5/10/04 00:11
Síðast á ferli: 13/12/20 16:11
Innlegg: 13121

Eðli:

Ég er Þarfagreinir. Ég hef mikið yndi af því að þarfagreina. Ef ykkur vantar mann til að sjá um þarfagreiningarþarfir ykkar, þá er ég sá maður.

Fræðasvið:

Þarfagreining fyrst og fremst. Einnig etanólrannsóknir, orðkynngi, algrím, og listfræði.

Æviágrip:

Ég var eitt sinn týndur og sótti Menntaskólann í Reykjavík. Síðan gerðist ég tossi og fór í Fjölbraut í Breiðholti og hóf etanólneyslu. En það var ekki fyrr en í Háskóla Íslands að ég fann mína sönnu hillu í lífinu, en það er auðvitað hið merka fræðasvið er þarfagreining nefnist. Fyrir áhugasama um þarfagreiningu þá er það fyrst að nefna hún kennd innan tölvunarfræðinnar. Reyndar er ýmislegt fleira gagnslaust rusl kennt þar; mín skoðun er sú að fella mætti allt slíkt niður og kenna þarfagreiningu eingöngu, enda er það göfugasta fræðasvið þessa heims, sem og allra annarra.

Nú í dag stunda ég fræði mín við virðulega stofnun í höfuðstað Íslands. Samhliða því eyði ég óhemju miklum tíma í rannsóknarvinnu ýmis konar á Alnetunum. Miðar þetta allt að því að ég uppfylli mitt æðsta markmið, sem er að verða Yfirþarfagreinir alheimsins.