Lúdó er magnað spil. Fjórir litir, hver með fjórum leikmönnum. Gulur, rauður, grænn og blár. Spilið heitir lúdó á flestum málum en kemur frá Indlandi þar sem það heitir Pachisi. Á þýsku heitir það "Mensch, ärgere dich nicht!" sem verður að teljast sérstaklega skemmtilegur og lýsandi titill.
Um daginn lék ég lúdó með vinum mínum og tapaði fyrst en vann svo. Það er nefnilega hægt að leika taktískt í lúdó, og gaman er að hrekkja spilafélagana með því að senda þá heim. Nú er hægt að fá fagurlega unnin lúdóborð úr vönduðum hráefnum. Vart er til sú stofa sem ekki verður glæsilegri með smekklegu glerlúdóborði, með leikmönnum úr lituðum tékkkristal og fílabeinsverpli. Ekki skemmir fyrir að bláu kallarnir eru kóbaltblandaðir.