auðvitað það er gott

Það er ekki spurning að Prins Póló er ekki aðeins ákaflega þjóðlegt heldur er það með eindæmum ljúffengur biti. Borðist með td 1/2 ltr af dæet kók - aldeilis stórgott. Annars er nýja gerðin lítið síðri þeirri eldri, en altaf eru nú svona breitingar erfiðar og virka ákaflega illa á taugakerfi mitt og sálarlíf.

Að drekka diet kók eru föðurlandssvik. Kók og Prins er hin ginnheilaga tvenna þjóðlegrar sælgætismenningar.

Annars hef ég aldrei sætt mig við 'nýja' Prinsinn. Ég stend fastur á því að Pólóinu hafi verið breytt um leið og það var kapítalistavætt og sett í 'markaðsvænni' umbúðir snemma á 10. áratugnum. Pólóið varð einhvern veginn aðeins losaralegra í sér og þurrara, ef svo má skrifa.

Reyndar færðu minna fyrir peninginn núna, Prins Pólóið sem var áður 40 gr er nú 38. En ekki krónu ódýrara.

Mér finnst nýja Prins Pólóið full lítið. Gamla var passlega stórt, maður gat jafnvel fengið af sér að gefa ástvinum sínum helminginn af því (þó aðeins ef sérlega vel lá á manni). Pakkningarnar verði líka sífellt ljótari. Brúnu stjörnurnar á gyllta fletinum voru langflottastar.

Þessa þróun líst mér ekkert á. Fyrst pakkningarnar á Kaffi Súkkulaði breyttar og nú sjálft Pólóið? Er ekkert heilagt?

æji, gamla prinsið var langbest, í munstraða glanspappírnum...það var þykkara og bragðbetra, menn þurfa að vera gamlir til að muna eftir því...