Sá leiði atburður átti sér stað við setningarathöfn HM 2002 í Seoul í Kóreu í morgun að karlmanni á fimmtugsaldri tókst að smeygja sér fram hjá öryggisvörðum við íþróttaleikvanginn. Var hann allsnakinn og tók til við að hlaupa um völlin hrópandi skilaboð sem honum virtist mjög í mun að koma á framfæri "við alla heimsbyggðina".
Fljótlega náðist að handsama manninn og flutti lögreglan hann í burtu í járnum. Ekki er vitað hver maðurinn er, en hann talaði ensku með afar kunnuglegum norrænum hreim og hrópaði í sífellu skilaboðin "I am Love Thor! I am Love Thor! I believe in life and want to win death! Love Thor is my name, and peace is my game!"
Apar
Litlir apar, stórir apar, allskonar apar. Margar stærðir. Margir litir. Henta vel við létt þjónustu- og þingstörf. Reykja ekki.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.