Bush bandaríkjaforseti hefur bætt Páfagarði í hóp ríkja sem hann nefnir öxul hins illa.
"..ég bara treysti ekki þessum leiðtoga þeirra, þessum í Ku Klux Klan búningnum," sagði Bush við fréttaritara Baggalúts. Hann telur ólíklegt að ráðist verði á Vatikanið á næstu dögum, en varar þó páfa við að vera of yfirlýsingaglaðan. "..hann platar mig ekki með þessu sífellda slefi, hér er á ferðinni illur og afar lúmskur einvaldur."
Draugar athugið
erum með mikið af fallegum eignum í sölu víða á höfuðborgarsvæðinu.
Félag fasteignasala.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.