Íslenskir vísindamenn, í samstarfi við norsku og dönsku ríkisstjórnina hafa nú fullkomnað hina langþráðu 'svíafælu' sem beðið hefur verið með óþreyju í mörg ár.
"..þetta er mjög einfaldur mekanismi," sagði Eric Vatnsdal, hönnuður "..það er skynjari hér á endanum sem lætur vita ef Svíi er í nágrenninu, þá sprettur fram hlíf og lítill stútur hér seytir taugagasi sem lamar fórnarlambið. Mjög praktískt."
Fælunni verður dreift ókeypis á öll heimili í Noregi, Danmörku og á Íslandi, en Finnar þurfa að greiða fyrir notkunina og er áætlað að þær tekjur borgi þróunar- og framleiðslukostnað upp á fáum dögum.
Á einhver
brúsa af furunálafreyðibaði sem hann er hættur að nota? Veglegri greiðslu heitið. A.v.á.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.