Innanríkisráðuneyti, í samstarfi við björgunarsveitina Eldgosa og fjallflutningafélagið Múhameð, undirbýr nú risavaxna aðgerð sem miðar að því að beina öllum virkum íslenskum eldfjöllum að Bretlandseyjum.
Er þetta gert í kjölfar upplýsinga um að íslensk eldfjöll séu mesta ógn sem stafar að breska heimsveldinu.
Verða fjöllin nýtt til að knýja á um ýmis hernaðarlega, viðskiptalega og dægurmenningarlega mikilvæg atriði.
Fyrst um sinn verður gerð skilyrðislaus krafa um sigur Liverpool í ensku úrvalsdeildinni.
Nýbakaðir foreldrar
Ilmandi með morgunkaffinu. Mikið úrval. Hagstætt verð.
Brauðvinnsla Bjartmars
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.