Gríðarlega öflug sprenging varð í Vogunum í Reykjavík fyrir stundu.
Er talið að umfangsmikil og ítrekuð saltkjöts- og baunaneysla á heimili eldri hjóna hafi valdið sprengingunni, en þau hafa komið við sögu lögreglu áður vegna sambærilegra sprenginga, árlega um langt skeið.
Að sögn sjónarvotta höfðu gömlu hjónin „þjófstartað hádegismatnum“ í morgun og jafnframt státað sig af því að ætla að reyna nýja tegund Turbo Energy Super Blazter 3000 - bauna frá Venezuela.
Til sölu
Lítið notuð æra. Fæst fyrir lítið fé.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.