Keramikskúlptúristinn Alda V. Edelbaum er gjaldþrota. Var henni tilkynnt þetta við hátíðlega athöfn hjá Sýslumanninum í Hafnarfirði í morgun.
Við það tilefni flutti Alda stutt ávarp þar sem hún þakkaði lánardrottnum sínum ómælda og persónulega aðstoð við að keyra sig í þrot á örskömmum tíma, eftir áratuga ráðdeild og fyrirhyggju. Þá þakkaði hún einnig stjórnvöldum fyrir að leggja sitt litla lóð á vogarskálarnar með því að synja henni ítrekað um svokölluð „úrræði“ - þar sem þau ættu ekki við í tilfelli keramikskúlptúrista, sem væru tæknilega séð „fyrirtæki með tekjur í erlendri mynt.“
Spennandi ferðir
um holræsakerfi stærstu borga Norðurlanda. Sjáðu rottur í þeirra náttúrulega umhverfi! Nýjar og spennandi uppgötvanir frá Bergen til Esbjerg!
-Lúdóferðir-
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.