Skógarmaðurinn góðkunni Litli-Jón segir allar ásakanir um að honum sé í nöp við yfirvöld í Nottinghamskíri algerlega úr lausu lofti gripnar.
Hann segir ásakanir um að hann hafi farið ránshendi um opinbera sjóði 'fráleitt fokking kjaftæði' og kveðst einungis hafa verið að stilla til friðar þegar hann 'danglaði fokking óvart' í fógetann og skósveina hans þar sem hann var staddur fyrir 'algera fokking tilviljun' í fjárhrislum konungs.
Þá sver hann af sér öll tengsl tengsl við ógæfu- og síbrotamanninn Hróa Hött og hinna síkátu sveina hans, sem hann segir 'sífulla fokkings hommatitti sem réttast væri að buffa fokking duglega'.
Til sölu
Vel með farinn fagurrauður Hummer jeppi. Lítið ekinn. Laus strax.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.