Skipulags- og byggingarráð hefur enn ekki samþykkt beiðni félags íslenskra múslemúra til byggingar mosku í Reykjavík.
Moskunni hafði verið fundinn staður aftan við Bæjarins bestu og átti að vera alls 45 sm á hæð – og annað eins að þvermáli.
Kröftug mótmæli nágranna urðu þó til þess að byggingunni var frestað, en í sameiginlegri yfirlýsingu Félags húsmæðra um velferð miðborgarsvæðisins var sérstaklega tekið fram að 'þessar skítugu útlensku rottur' með sína 'undarlegu siði og serímóníur' væru ekki velkomnar í hverfið.
Fyllibyttur
Fyllerí í kvöld, niðri í bæ. Fjölmennum.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.