Svört vinna meðal presta hefur aukist mikið í kreppunni og eru dæmi um að prestar þéni þúsundir króna undir borðið.
„Já, þetta er því miður rétt,“ segir séra Randver Mikkelsen sóknarprestur í Mykjuvíkurprestakalli.
„Fólk vill voðamikið vera að rukka mann nótulaust og svona og svo eru prestar mikið að bjóða fast verð í allskyns athafnir,“ segir séra Randver.
Hann segist þekkja dæmi þess að prestar þéni allt að fimm þúsund krónur svart á einni helgi. „Jájá, þá eru menn að taka kannski brúðkaup, jarðarför og skírn um sömu helgina. Ég hef heyrt um menn sem hafa tekið allt upp í sjöþúsundkall fyrir eina helgi. Þá hefur reyndar verið hjónabandsráðgjöf í spilinu og jafnvel sálgæsla,“ segir séra Randver.
Auðtrúa asnar athugið!
Myntkörfulánin sívinsælu eru komin aftur!
Bankarnir
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.