Lánasjóður Íslenskra Námsmanna (LÍN) hefur boðað stórhertar aðgerðir í innheimtu námslána. Sjóðurinn hefur gert samstarfssamning við nýstofnað Hnefaleikasamband Íslands varðandi framkvæmd innheimtuaðgerða og hefur Gunnar Birgisson verið milligöngumaður í þeim samningum. "Þetta er verðmæt kunnátta sem þessir boxstrákar búa yfir," sagði Gunnar glaðbeittur við fréttamann Baggalúts, "og rétt að nýta þekkingu þeirra til að þjarma að þessum stúdentaveimiltítum".
Tölvupóstur!
Á fyrirliggjandi tölvupóst frá Jónínu, Styrmi, Megasi, Ingólfi Guðbrands, Helga P. og Hófí. Fyrstur kemur, fyrstur fær. Dúbbi.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.