Samningar hafa náðst við forystu álfa (og huldufólks) á höfuðborgarsvæðinu um að allt að 40.000 álfar (og huldufólk) flytji inn í auð, nýbyggð hverfi á næstu mánuðum.
Er þetta gert með það fyrir augum að lífga við helfrosinn fasteignamarkað á svæðinu, en álfarnir (og huldufólkið) munu koma með mikið fjármagn inn á markaðinn með þessum aðgerðum, einkum í formi gulls en einnig um 1.000 hektara grænna skóga.
Í staðinn mun reyndar félag fasteignasala þurfa að ganga í björg að tíu árum liðnum – en eins og talsmaður þeirra orðar það: „Þá getur þessi díll varla verið mikið verri en sá sem við gerðum við djöfulinn 2005.“
Lesbíur!
Tek að mér fullvissumælingar á kynvillu kvenna. Fullum trúnaði heitið.
Herbert.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.