Íslenska þjóðkirkjan hefur brugðið á það ráð að gefa út glansmiða með íslenskum prestum. Er þetta gert í því skyni að til að ná til ungu kynslóðarinnar. "Hver prestur fær aukinheldur úthlutað nýmóðins gælunafni til þess að gera þá 'cool' í augum unga fólksins", segir í fréttatilkynningu frá Kirkjunni. Flóki Bjartmarz, markaðsstjóri Kirkjunnar upplýsti ennfremur í samtali við Baggalut að uppi væru hugmyndir um framleiðslu á dúkkum og teiknimyndagerð fyrir sjónvarp.
Pönkarar
Skemmtilegu marglitu sikkrisnælurnar komnar aftur.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.