Töfralæknirinn Davíð, einn þriggja starfandi töfralækna á Landspítalanum, segist hissa á ummælum George W. Bush, Bandaríkjaforseta, að enga töfralausn sé að finna á vandamálum sem skapast hafa í Írak.
Segir hann að þvert á móti komi ýmsar töfralausnir til greina, misflóknar og kostnaðarsamar að vísu. T.d. mætti, með litlum tilkostnaði breyta öllum hlutaðeigandi í saltstólpa, sem hann segir „aldrei klikka“.
Sjálfur segist Davíð frekar mæla með því að svokölluð „viðvarandi ástar- og umburðarlyndisálög“ séu lögð á alla íbúa landsins - að því gefnu að nægjanlegt jófrúarblóð, eða um 120.000 lítrar fáist til verksins.
TÓTI!
Þú ert ekki pabbinn.
Þuríður.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.