Ungur þjóðfræðinemi, Páll L. Leifsson festi í nótt kaup á einkatanngarði söng- og leikkonunnar frægu Barbru Streisand á vefsvæðinu cheapfamousteeth.net.
„Ég hef alltaf haft mikinn áhuga á tönnum frægs fólks, - og á þegar nokkra garða m.a. úr Rock Hudson, Twiggy og Pelé. Þetta toppar samt allt, þetta eru tennurnar sem hún var með þegar hún söng Woman in love með Barry, uppáhalds lagið mitt,“ sagði Páll stoltur og brosti sínu breiðasta fyrir dolfallinn blaðamann Baggalúts.
Kona óskast
á skuttogara. Þarf að vera þolgóð og útsjónarsöm.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.