Alþingi kom saman á ný í dag eftir frestun þingfunda fyrir sveitarstjórnarkosningar.
Vel lá á þingmönnum enda sauðburður víðast að baki og enn nokkuð í heyannir. Voru þingmenn velflestir léttklæddir og sumarlegir klæðum enda stefnan tekin á „gufu og Pínakólaða“ eftir þingfundinn í dag.
Það eina sem skyggði á gleði þingmanna var tregða forseta þingsins, Sólveigar Pétursdóttur, til að spila safnplötuna frábæru Ibiza Annual 2005 undir ræðuhöldum - auk þess sem mörgum þótti hún „skemma móralinn“ þegar hún varð ekki við ítrekuðum tilmælum þingheims um að fara úr að ofan.
Spennandi ferðir
um holræsakerfi stærstu borga Norðurlanda. Sjáðu rottur í þeirra náttúrulega umhverfi! Nýjar og spennandi uppgötvanir frá Bergen til Esbjerg!
-Lúdóferðir-
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.