Íslenska landsliðið í knattspyrnu tapaði naumlega fyrir Sádi Aröbum 1-0 í gær. Arabarnir hafa mikla knattspyrnuhefð og lið þeirra er mjög gott, sigraði til að mynda Færeyjar í fyrra. Atli Mikson, landsliðsþjálfari, var að vonum ánægður með ósigurinn. “Strákarnir stóðu sig afar vel og mórallinn er mjög góður. Við höfum eignast marga vini hérna í miðausturlöndum og svo fékk ég eiginhandaráritun hjá Berti Vogts í fyrradag, en hann er mjög frægur þjálfari”
Nornaveiðimenn athugið
Nornaveiðileyfin fást hjá okkur. Einnig nornablístrur, -gildrur og -bálkestir í miklu úrvaldi.
Galdrabrennsla Gunnars.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.