Félagarnir Matti og Halli urðu heldur betur hissa á Þorláksmessu þegar þeir fyrir algera tilviljun rákust á leikarann Kiefer Sutherland og kvikmyndaleikstjórann Tarantino á veitingastaðnum Pez í Hafnarstræti.
„Jájá, þetta er alveg dagsatt - við Halli vorum búnir að vera að krúsa staðina og svona fram eftir kvöldi og ákváðum að droppa þarna inn á Pez og keyptum okkur tvo brísera. Svo bara vorum við eitthvað að kjafta þúveist, eins og maður gerir. Heyrðu! Stendur þá ekki bara Tarantino við hliðina á Halla, með dæetkók og smartís! Bara sísvona! Þetta var alveg magnað“, sagði Matti í samtali við Baggalút. „Svo bara einhverjum tveimur tímum seinna, þá var Tarantino farinn sko - eiginlega löngu farinn, heyrðu þá bara stendur Kiefer bara við barinn með appelsín og lakkrísrör! Ótrúlega magnað alveg!“
Að sögn Matta var Kiefer á staðnum í um 7-8 mínútur og var „mjög eðlilegur, fór m.a. á klósettið og hóstaði tvisvar“.
Herbergi
45 fm til leigu með öllum þægindum, þ.m.t. salerni. Hentugt fyrir þingmann. A.v.á.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.