Ungi maðurinn sem fannst illa til reika í kvennaklefa Sundhallarinnar í Reykjavík fyrr í mánuðinum fullyrðir að hann hafi verið alinn upp af lesbíum. Slíkt er ekki ókunna í dýraríkinu, en vitað er um börn sem alin hafa verið upp af úlfum og jafnvel svínum.
„Lesbíudrengurinn“, sem svo er kallaður, lýsti á fundi með blaðamönnum þeirri meðferð sem honum var gert að sæta meðan á dvöl hans meðal lesbíanna stóð - en þær ólu hann upp um 14 ára skeið.
„Þær létu mig gera skelfilega hluti“, sagði drengurinn. „Ég þurfti að raka á þeim fótleggina, bursta í þeim tennurnar og klippa á þeim neglurnar. Þetta var hræðilegt. Hræðilegt bara!“
Lesbíudrengnum hefur verið komið í fóstur í Húsdýragarðinum.
Karlkyns sjáandi
með gott samband við ríflega 100 lífstjörnur óskar eftir að komast í samband við góða, skilningsríka konu á miðjum aldri. Má gjarnan reykja.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.