Sjóræningjaútgáfa af nýjustu plötu SigurRósar, Takki, er nú fáanleg á Internetinu, nokkru áður en hin eiginlega útgáfa plötunnar kemur á markað.
Það er Börkur 'nábítur' Barkarson, sem stendur fyrir sjóræningjaútgáfunni og er ánægður með útkomuna.
„Jú, við félagarnir tókum plötuna upp í karabíska hafinu. Við höfðum það fyrir reglu að halda laglínum óbreyttum og textum svona að mestu leyti, rétt eins og við gerðum þegar við gerðum sjóræningjaútgáfuna af Medúllu með Björk og nýju Coldplay plötunni. Útsetningarnar eru hins vegar algerlega okkar — í ekta sjóræningjastíl, með páfagaukum, fallbyssum og tilheyrandi. Já, og svo fengum við líka ekta hval til að syngja.“
Borgarstjórar
Undirbúningsnámskeiðin eru að hefjast! Aðeins tæplega 50 sæti laus - síðasti séns ef þú ætlar að ná að setjast í stólinn á þessu kjörtímaibili.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.