Hópur Norður-Kóreskra ferðamanna fann í morgun áður óþekkta og afar dularfulla áletrun skammt frá Þingvallavatni.
Við fyrstu sýn virðist áletrunin ævaforn og rituð með einhvers konar rúnaletri, sem þjóðgarðsvörður treysti sér ekki til að lesa úr. Enginn starsmanna þjóðgarðsins hafði séð áletrunina áður sem virðist með ólíkindum því hún blasir við á bílastæðinu framan við þjónustumiðstöðina.
Dulmálsfræðingar Árnastofnunar og sérsveit táknfræðifélags Borgnesinga eru á leið á vettvang til að kanna áletrunina nánar.
SÍMI
Sá sem vildi leigja reglusömum manni herbergi, getur fengið fullkomin afnot af síma, og mjög háa leigu. A.v.á.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.