Ástríkur Eiríksson, sem margir kannast við eftir að hann ásamt nokkrum félögum sínum úr Gaulverjahreppi háði hetjulega baráttu gegn sameiningu þeirra sveitarfélaga sem nú kallast Árborg. Ástríkur leiddist í kjölfar sameiningarinnar út í mikla óreglu ásamt félaga sínum Þorsteini Ríkharðssyni, en saman gerðu þeir yfirvöldum i Árborg ýmsa skráveifu.
„Auðvitað var þetta tómt rugl,“ segir Ástríkur, sem nýkominn er úr meðferð. „Við vorum drekkandi einhverja bölvaða sterabætta amfetamínólyfjan, sem kunningi minn reddaði - í tíma og ótíma. Við vorum gersamlega komnir úr takt við allt í kringum okkur. Ég man að undir það síðasta vorum við farnir að trúa því að hann þarna bæjarstjóri, hann Einar litli, væri sjálfur Júlíus Sesar - ég meina, kommon!“
Ástríkur hefur nú hafið nýtt líf og bíður þess nú að fyrrum félagi hans fái reynslulausn, en sá afplánar nú dóm fyrir stórfelld og hrottaleg ofbeldisverk gegn starfsfólki Ráðhússins á Selfossi auk þjófnaðar á höfuðfötum þeirra og meiðandi ummæli - en hann vildi meina að þau væru öll „klikk“.
Drekaflugur
Ertu á leið á drekaveiðar? Eigum mikið af góðum, handunnum flugum - einnig spúna og maðka. A.v.á.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.