Indverski prinsinn, Harshvardhan Prithvijaj, sem er ríkasti maður Indlands og stærsti útgefandi tónlistar í Asíu, sneri aftur til heimalands síns í morgun tómhentur.
Prinsinn kom hingað fyrir viku síðan í leit að týndri konungsdóttur sem hann hafði spurnir af hérlendis og var sögð fegurst allra kvenna.
En eftir að hafa farið með fílahjörð sína og ríflega tíu þúsund leitarmenn um allan Reykjanesskagann án árangurs varð hann að horfast í augu við að indverska prinsessan var horfin sporlaust.
Kynvillingar athugið!
Glæný og flughál hamsatólg í heimilis- og sparnaðarumbúðum.
Verslunin Straumnes.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.