"..jú það er rétt, við náðum loksins lendingu í þessu leiðinlega máli," sagði Hermóður Gíslason, uppeldisfræðingur - en leikfangamörgæs í hans eigu mun loks hafa sæst við lítinn rauðan púka í eigu Ásbjargar Viggósdóttur, námsráðgjafa og vinnufélaga Hermóðs.
"..þetta byrjaði allt fyrir mörgum árum síðan þegar við vorum að vinna að rannsóknum á byssó, þá skaut minns hennar í bakið þannig að hennar drapst, en hún vildi ekki viðurkenna það og sagði að sinn ætti lifnaðarpillu, en hún vissi jafnvel og ég að þær voru búnar. En minns semsagt er núna tilbúinn að fallast á jafntefli þar sem ég taldi nú kannski fullgeyst upp að hundrað."
Búraútsala
Eigum fyrirliggjandi mikið af búrum í öllum stærðum og gerðum. Einnig byggjar á sanngjörnu verði. Gæludýraverslun Bárðar.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.