Dr. Magni Morthens, sérfræðingur í tauganetum var í dag verðlaunaður af 'Samtökum Iðnaðarins', en Dr. Magni er 50 þúsundasti starfsmaðurinn sem missir vinnuna í hátækniiðnaðinum á Norðurlöndum á þessu ári.
"Þetta er æðislegt, frábært, rosalega gaman," sagði Magni í samtali við Baggalút. "...fyrst var ég náttúrulega smá spældur að missa vinnuna, en svo frétti ég þetta og þá jafnaði ég mig fljótt."
Verðlaunin felast í spennandi helgarferð til Norðfjarðar og möguleika á atvinnuviðtali hjá SAM-bíóunum í febrúar.
Kærkomnar sumargjafir
Fataefni úr alull í Kr. 80 í fötin. Buxnaefni frá Kr. 35 í buxur. Hvít Kjól- og Smóking-vesti Kr. 30.
::Kærkomnari og nytsamari sumargjafir fær kona naumast gefið manni sínum eða unnusta::
Klæðaverzlun H. Andersen og Sön
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.