Garðar Hallgrímsson, forritari hefur verið illa haldinn af störu í á þriðja mánuð. Störuna fékk hann þegar hann sá lesbíska ofurfyrirsætu kyssa hjúkrunarkonu á veitingastað í kaupmannahöfn í haust.
"Já - sko þá helltist bara yfir mig þessi líka rosalega stara og ég hef bara ekki losnað við hana", sagði Garðar í spjalli við blaðamann í morgun. Hann hefur að eigin sögn reynt margt til að losna við störuna, m.a. horft á myndbandsupptökur af Megasi og Gunnari Inga Birgissyni.
"Svo var ég aðeins farinn að lagast og fannst ég svona vera að ná tökum á störunni - kemur þá ekki Janet Jackson og berar á sér brjóstið í beinni útsendingu! Ég náttúrulega datt í sama farið og þarf í rauninni að byrja á núlli bara aftur", sagði Garðar ennfremur en hann hefur orðið sér úti um eintak af heildarútgáfu þáttanna 'Maður er nefndur' til að vinna bug á störunni.
Krónufleyting á Tjörninni í kvöld kl. 20
Mætum og sýnum samstöðu.
Bankaráð Seðlabanka Íslands
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.