Örsmá kviknakin mannvera réðst inn í söluturn í Grafarvogi snemma í morgun. Mannveran vopnuð sleikibrjóstsykri af tegundinni 'Chupa' og lét öllum illum látum.
Að sögn starfsmanns náðist að yfirbuga þennan óvenjulega gest eftir að honum skrikaði fótur í sinnepsklessu á afgreiðsluborðinu og rotaðist. Hann var settur í grænan sælgætispoka og færður lögreglu.
Lögregla vill ekkert tjá sig um málið að svo stöddu og vísar algerlega á bug þeim sögusögnum að hér hafi vísindamaðurinn uppátækjasami Kári Stefánsson verið á ferð.
Hvítþvottur
Tökum að okkur vandaðan hvítþott fyrir fyrirtæki og einstaklinga. Mikið úrval af fyrirtaks hreinsiefnum. Fullum trúnaði heitið.
Þvottahús Þórmundar og Tuma
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.