Tapsárir víða af landinu komu saman á fundi í gær en þá voruð stofnuð Hagsmunasamtök tapsárra Íslendinga. Er samtökunum ætlað að aðstoða félaga sína við að leita réttar síns þegar þeim finnst á þeim brotið og veita þeim áfallahjálp sem reynt hafa allt og þurfa að sætta sig við tap sitt.
Efnt var til formannskosninga nokkrum sinnum á fundinum, en á endanum var ákveðið hafa samtökin formannslaus eftir að þeim sem náðu kjöri var hverjum á eftir öðrum vísað úr samtökunum á þeim forsendum að þeir uppfylltu ekki lengur nauðsynleg skilyrði.
Meðal stofnfélaga voru Viggó Sigurðsson handknattleiksþjálfari, Ástþór Magnússon forsetaframbjóðandi og Bolli Thoroddsen, frambjóðandi til formanns Heimdallar, auk fjölmargra fyrrum keppenda í hinum ýmsu söngva- og fegurðarsamkeppnum.
Óvissuferð
Æðisleg og æsispennandi óvissuþrenna: Ekvador, Venezúela og Kolumbía. Upplifðu dásemdir Suður-Ameríku! Rauðvín, fögur fljóð og kókaín eins og þú getur í þig látið!
- Lúdóferðir
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.