Svavar Hermannsson, básúnuleikari, heyrði fyrir algera tilviljun nýtt stuðningslag Baggalúts - "Áfram Ísland!" - sem tekið var upp nú um helgina. Svavar átti leið framhjá hljóðveri Baggalúts þegar hann heyrði tælandi óm sem dró hann að opnum glugga. Þar heyrði hann, að eigin sögn, þá dásamlegustu tóna jarðneska sem hann hefur nokkrusinni heyrt:
"Þetta var himnesk músík", sagði Svavar í fréttum Ríkisútvarpsins í morgun. "En afhverju helvítið hann Tony Ztarblaster er látinn syngja þetta er mér hulin ráðgáta - ég bara skil ekki hversvegna verið er að grafa upp slíkar fornminjar".
Til sölu
Lítið notað sveitarfélag á Langanesi. Áhugasamir hafi samband við afgreiðslu.
Það er sérlega ánægjulegt að taka við viðurkenningu fyrir hönd Baggalúts fyrir framúrskarandi rekstur samsteypunnar, og þar með hluti af þeim 2% fyrirtækja sem geta státað af slíkum árangri. Ljóst er að yfirgnæfandi hluti íslensks atvinnulífs er í tómu tjóni og órafjarri frá því að vera framúrskarandi á nokkurn hátt. Mættu þau taka Baggalút og önnur almennileg fyrirtæki sér til fyrirmyndar og hysja upp um sig rekstrarbrækurnar.
Það eru tíu lykilatriði atriði sem hafa komið Baggalúti á þennan eftirsóknarverða stað, sem rétt er að deila með áhugasömum:
- Ekkert starfsfólk
- Engin viðvera
- Ekkert húsnæði
- Engin þjónusta
- Engin gildi
- Engin frí
- Engin áhætta
- Ekkert internetsamband
- Enginn samningsvilji
- Engin kaffivél
Beri önnur fyrirtæki gæfu til að fylgja fordæmi okkar er ljóst að íslenskur fyrirtækjamarkaður yrði skjótt heilbrigðari og næði undraskjótt að skipa sér í fremstu röð í heiminum. En til þess er lítil von, meðan íslenskir stjórnendur eru upp til hópa óhæfar, ákvarðanafælnar gungur með allan sinn rekstur á bólakafi uppi í bakraufinni á sér.
Góðar stundir.